Śviet11

Izrail rychtuje adkaz na iranskuju ataku. Piać mahčymych scenaryjaŭ dziejańniaŭ u adkaz

Premjer-ministr Bińjamin Nietańjachu poŭny rašučaści adkazać na ataku z boku Irana. Pakul nieviadoma, kali i jakim čynam moža być naniesieny zvarotny ŭdar. Bild pryvodzić niekalki varyjantaŭ, pra jakija havorać ekśpierty.

Pradstaŭnik izrailskich Uzbrojenych sił Daniel Chahary pakazvaje ŚMI adnu ź iranskich balistyčnych rakiet, pierachoplenych Izrailem u minułyja vychodnyja na vajskovaj bazie Džulia, na poŭdni Izraila. Fota: Tsafrir Abayov / AP

Varyjant 1: Napad na jadziernyja abjekty Irana

Małaimavierna, bo heta zanadta składana i ryzykoŭna, na dumku mnohich ekśpiertaŭ. Jadziernyja abjekty ŭ Natanzie raźmieščany hłyboka pad ziamloj i zapatrabujuć praciahłych bambardzirovak.

Džonatan Łord, ekśpiert pa Blizkim Uschodzie z vašynhtonskaha analityčnaha centra «Centr novaj amierykanskaj biaśpieki» (CNAS) u intervju Foreign Policy adznačaje, što nastupstvy pry hetym scenary mohuć być razburalnymi: Iran moža ŭzmacnić ataki na Izrail (naŭprost abo praz svaje proksi), a habrejskaja dziaržava akažacca ŭ mižnarodnaj izalacyi ŭ vypadku niaŭdačy.

Varyjant 2: Inšyja celi ŭ Iranie

Izrail taksama moža atakavać celi na iranskaj ziamli, jakija nie majuć pramoha dačynieńnia da jadziernaj prahramy (naprykład, składy zbroi i zavody pa vytvorčaści dronaŭ). Adnak hetaja apieracyja taksama zapatrabuje vialikich namahańniaŭ, bo supraćpavietranaja abarona Irana — heta «nie žart», jak i siryjskaja, ličyć Biłał Saab, daśledčyk z Chatham House ŭ Łondanie. Akramia taho, heta nie atrymaje adabreńnia z boku ZŠA.

Tym nie mienš nielha vyklučać abmiežavanyja napady na iranskaj terytoryi, kaža ekśpiert pa Iranie Raz Zimt. Vajenna-pavietranyja siły Izraila ŭžo šmat hadoŭ rychtujucca da takich apieracyj i źjaŭlajucca adnymi z najlepšych u śviecie.

Varyjant 3: «Palavańnie» na iranskich kamandziraŭ

«U Izraila značna bolš mahčymaściaŭ, čym u Irana, dziakujučy jaho raźviedvalnaj i apieratyŭnaj pieravazie», — kaža Raz Cimt.

Heta aznačaje, naprykład, što Izrail moža prycelna atakavać vysokapastaŭlenych vajennych lidaraŭ u Iranie ci za jaho miežami, naprykład, u Iraku ci Siryi. Taki adkaz adpaviadaŭ by zvyčajnamu padychodu Izraila i nie vyhladaŭ by jak eskałacyja. Adnak niadaŭniaja takaja ataka ŭ Damasku zaachvociła Iran atakavać Izrail — i moža zrabić heta znoŭ.

Varyjant 4: Ataka na iranskija proksi

U Irana jość maryjanietačnyja vojski na miežach Izraila i ŭ Piersidskim zalivie. Najpierš, livanskaja «Chiezbała». Ale ekśpiert pa Iranie Cimt nie ličyć taki varyjant samym vierahodnym.

«Ja nie dumaju, što Izrail napadzie na «Chiezbału», bo Izrail dakładna nie choča ŭsioabdymnaj kanfrantacyi ź joj», — kaža jon. Jon taksama ličyć iranskija vajenizavanyja farmavańni ŭ Iraku mienš vierahodnaj metaj. Zastajecca iranskaja prysutnaść u susiedniaj Siryi, kaža Cimt, — ci pramaja, niachaj i abmiežavanaja, ataka na Iran.

Varyjant 5: Kibierataka

Heta byŭ by samy źniešnie miakki adkaz, ale jon moh by akazacca vielmi efiektyŭnym. U vypadku pośpiechu heta stanie jašče adnym prynižeńniem dla režymu mułaŭ paśla taho, jak 99% ich bieśpiłotnikaŭ i rakiet byli pierachopleny.

Kamientary1

  • Vład
    17.04.2024
    Nutyk i Iran padrychtuje! Eta śpiral viečnaja.

Stała viadoma pra aryšt historyka Ihara Mielnikava11

Stała viadoma pra aryšt historyka Ihara Mielnikava

Usie naviny →
Usie naviny

U voziery Śviciaź zabaranili kupacca. U čym pryčyna?

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku6

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

Pucin zrabiŭ Z-śpievaka Šamana zasłužanym artystam Rasii5

Jeŭrasajuz pačynaje pieramovy pra biaźvizavy režym z Armienijaj3

bolš čytanych navin
bolš łajkanych navin

Stała viadoma pra aryšt historyka Ihara Mielnikava11

Stała viadoma pra aryšt historyka Ihara Mielnikava

Hałoŭnaje
Usie naviny →