Reuters: Iran papiaredžvaŭ rasijskija śpiecsłužby pra padrychtoŭku napadu na «Krokus»
Iranskija siłaviki atrymali hetuju infarmacyju padčas dopytaŭ aryštavanych u suviazi z vybuchami ŭ Iranie 3 studzienia.
01.04.2024 / 13:25
Iranskija ŭłady papiaredžvali Maskvu ab tym, što IDIŁ-K («Viłajat Charasan») rychtuje ataku ŭ stalicy. Ab hetym paviedamlaje Reuters sa spasyłkaj na krynicy.
Pa słovach adnaho z surazmoŭcaŭ ahienctva, iranskija siłaviki atrymali hetuju infarmacyju padčas dopytaŭ aryštavanych u suviazi z vybuchami ŭ Iranie 3 studzienia. Tady ŭ vyniku teraktu ŭ Kiermanie na cyrymonii z nahody hadaviny zabojstva hienierała Kasiema Sulejmani zahinuli 94 čałavieki. Adkaznaść na siabie ŭziała IDIŁ-K. 19 studzienia śpiecsłužby Irana zajavili pra aryšt kamandzira filijała IDIŁ-K, jaki bazujecca ŭ Afhanistanie.
«Jany [členy IDIŁ-K] atrymali instrukcyi pa padrychtoŭcy da bujnoj apieracyi ŭ Rasii… Adzin z [aryštavanych u Iranie] terarystaŭ skazaŭ, što niekatoryja členy hrupy ŭžo adpravilisia ŭ Rasiju», — paviedamiła druhaja krynica Reuters.
Pa danych ahienctva, aficyjny Tehieran sprabuje vyśvietlić va ŭładaŭ Tadžykistana, jakija miery supraćdziejańnia IDIŁ tam prymajuć.
Rasijskija ŭłady pa-raniejšamu nazyvajuć hałoŭnym vinavatym u teraktu ŭ «Krokusie» Ukrainu.
Čytajcie taksama:
Na troch z čatyroch avaryjnych leśvicach «Krokusa» padčas terakta dźviery byli zamknionyja