«Łuč» vypuściŭ limitavanuju sieryju hadzińnikaŭ da Dnia rodnaj movy
Na cyfierbłatach možna pabačyć składy «žy» i «šy». Pieradzakaz limitavanaj sieryi hadzińnikaŭ u roźničnych mahazinach startuje siońnia.
21.02.2024 / 12:17
Uniseks madeli hadzińnikaŭ majuć dyjamietry 31,4 mm i 37,6 mm adpaviedna. U kalekcyi pradstaŭlenyja 100 štuk hadzińnikaŭ kožnaj madeli.
Cyfierbłat vykanany ź mielchijoru z matavym pakryćciom. Na zadnim viečku hadzińnika raźmieščany stylizavany ŭzor biełaruskaj vyšyŭki. Numaracyja hadzin vykanana propiśsiu, padtrymlivajučy tematyku «movy», piša presavaja słužba zavoda.
U hadzińnikach ustalavany miechanizm Łuč 1801.1N — miechanika. Cyfierbłat abaraniaje tryvałaje sapfiravaje škło. Korpus vykanany ź nieržaviejučaj stali, papružka — z naturalnaj skury.
«Kalekcyja hadzińnikaŭ «Mova-2024» — heta adlustravańnie movy, kultury i historyi. Stańcie ŭładalnikam hetych unikalnych hadzińnikaŭ i hanaryciesia svajoj spadčynaj!» — pišuć stvaralniki kalekcyi.
Cana — 499 rubloŭ.
Asnoŭny start prodažaŭ adbudziecca 11 sakavika.
Zavod «Łuč» vypuściŭ sieryju hadzińnikaŭ, pryśviečanuju Michału Kleafasu Ahinskamu
Pahladzicie, jak u nacyjanalnych matyvach afarmlajuć adździaleńni Biełarusbanka