З Беларусі сышла кампанія Novo Nordisk. Што цяпер будзе з пастаўкамі інсуліну?
У снежні мінулага года ў Мінску закрылася прадстаўніцтва самай дарагой фармацэўтычнай кампаніі Еўропы. Гаворка ідзе пра дацкую Novo Nordisk, якая вырабляе прэпараты ад дыябету. Office Life высветліў, што цяпер будзе з пастаўкамі прадукцыі гэтай кампаніі на наш рынак.
02.02.2024 / 17:25
Фота: Michael Nagle / Bloomberg via Getty Images
Завод кампаніі Novo Nordisk працягвае працаваць у Расіі, у Калужскай вобласці. Але ён займаецца выключна выпускам інсуліну для ўнутранага рынку.
У Беларусі было прадстаўніцтва дацкай кампаніі, якое спыніла працу ў снежні 2023 года. Прадстаўнікі Novo Nordisk пацвердзілі Office Life, што фізічны офіс кампаніі ў нашай краіне сапраўды закрыўся. Пры гэтым, аднак, падкрэслілі, што «па-ранейшаму працягваюць пастаўкі ў Беларусь жыццёва важных прэпаратаў інсуліну».
Паводле звестак цэнтра экспертыз і выпрабаванняў у ахове здароўя, на беларускі рынак паступае інсулін ад Novo Nordisk пераважна дацкай вытворчасці.
Днямі капіталізацыя Novo Nordisk перавысіла 500 млрд даляраў. За мінулы год акцыі кампаніі падаражэлі на 60%, і цяпер вытворца лекаў з цяжкасцю спраўляецца з попытам на прэпараты Wegovy і Ozempic, якія сталі актыўна ўжываць для пахудання.
Чытайце таксама:
Дацкі фармгігант захоплівае свет лекамі ад атлусцення, але эканоміка Даніі пад пагрозай. Як так?
FT назвала чалавекам года кіраўніка кампаніі, якая распрацавала прэпараты для зніжэння вагі
Як попыт у ЗША на прэпарат для пахудзення прывёў да росту эканомікі Даніі
Чалавецтва стаіць на парозе перамогі над атлусценнем. І мае наватарскі сродак ад дыябету