Зяленскі з неанансаваным візітам прыехаў у Літву
Прэзідэнт Украіны Уладзімір Зяленскі з неанансаваным візітам прыбыў у Вільнюс. Пра гэта ён паведаміў у тэлеграме. Пасля ён адправіцца ў Талін і Рыгу.
10.01.2024 / 12:01
«Нашы надзейныя сябры і галоўныя партнёры — Літва, Эстонія і Латвія. Пазней буду ў Таліне і Рызе, а сёння — у Вільні», — напісаў Зяленскі.
Падчас візіту адбудуцца перамовы з прэзідэнтам, прэмʼер-міністрам, спікерам Сейма, а таксама сустрэчы з прадстаўнікамі палітычных сіл, СМІ і ўкраінскай дыяспары.
Бяспека, інтэграцыя ў ЕС і НАТА, супрацоўніцтва ў галіне РЭБ і беспілотнікаў, далейшая каардынацыя еўрапейскай падтрымкі стануць тэмамі абмеркавання, напісаў прэзідэнт Украіны.
Чытайце таксама:
Зяленскі: Пуцін з'есць вас на вячэру з усімі вашымі ЕС, НАТА, свабодай і дэмакратыяй
Зяленскі расказаў пра паўмільённую мабілізацыю і адносіны з Залужным
Зяленскі ці Залужны — каму ўкраінцы давяраюць больш? Вынікі сацапытання