Za padtrymku Ukrainy i Pałka Kalinoŭskaha ŭ sacsietkach zatrymali minčuka
HUBAZiK pahražaje jamu kryminalnaj spravaj za «sadziejničańnie ekstremisckaj dziejnaści».
14.12.2023 / 16:48
Siarhiej Kudzin. Fota: «Ukantakcie»
Zatrymany 36-hadovy minčuk Siarhiej Kudzin. Jon žyvie ŭ Minsku, pracavaŭ na rabočych pracach.
Z pačatkam rasijskaha ŭvarvańnia jon źmianiŭ avatarku ŭ fejsbuku na tekst «Stop Putin, stop war».
Hubazikaŭcy śćviardžajuć, što mužčyna byŭ u «nacysckich» supołkach, ale ŭ adkrytych sacyjalnych sietkach jon uvachodziŭ tolki ŭ roznyja ŭkrainskija hrupy z navinami. Nazyvajuć jany nacysckaj i raźmieščanuju na jahonaj staroncy ŭkrainskuju simvoliku. Taksama jon repościŭ naviny pra Połk Kalinoŭskaha — praz heta ŭ dopisie śćviardžajecca, što jon niby «rychtavaŭsia da ichniaha vyzvalenčaha pachodu ŭ Biełaruś».
U dopisie siłavikoŭ śćviardžajecca, što da mužčyny pryjšli praz publikacyi ŭ sacsietkach. Ciapier ža, pa śćvierdžańni hubazikaŭcaŭ, suprać Siarhieja «zaviali kryminalnuju spravu za sadziejničańnie ekstremisckaj dziejnaści».
Čytajcie taksama:
Jak zaścierahčy siabie ŭ VK, Facebook i «Adnakłaśnikach» — padrabiazny hajd
Jak pravilna čyścić svoj akaŭnt u Instagram, kab zaścierahčy siabie. Padrabiazny hajd