«Santa-Kłaŭs tut bolš nie spyniajecca». Bondarava znajšła «kramołu» na minskim Hałoŭpaštamcie
Viadomaja danosčyca z Hrodna Volha Bondarava naviedała Hałoŭny paštamt u Minsku i, viadoma, znajšła tam da čaho pryčapicca. A sajuźnicu atrymała ŭ asobie inšaj sumnaviadomaj Volhi — Čamadanavaj.
09.12.2023 / 17:55
Abureńnie Bondaravaj hetym razam vyklikała toje, što administracyja Hałoŭpaštamta raźmiaściła ŭ im jalinku i pastaviła kala jaje dźvie fihury — śniehavika z tabličkaj Santa stop here («Santa spyniajecca tut») i Ščaŭkunka. Danosčyca dačapiłasia da vykarystańnia vobrazu «čužynskaha» Santa-Kłaŭsa.
«Hałoŭpaštamt: Santa-Kłaŭs tut bolš nie spyniajecca. Bo niama čaho ełhebetešnych starykanaŭ padsoŭvać našym dzieciam», — zajaviła Bondarava.
Miarkujučy pa vystaŭlenym joj zdymku, jaje pretenzii adrazu ž byli pryniatyja da vykanańnia. Na novym zdymku jalinka staić užo adna, bieź nijakich fihurak.
Vidać, pamahła ŭ hetym Bondaravaj načalnica Hałoŭnaha ŭpraŭleńnia ideałahičnaj raboty i ŭ spravach moładzi Minharvykankama Volha Čamadanavaj, bo joj danosčyca vykazała padziaku:
«Ad usioj dušy dziakuju čaraŭnicu-Śniahurcy ź Minharvykankama Volzie Mikałajeŭnie Čamadanavaj za ščyry i dziejny kłopat ab staličnaj moładzi. Što tam kiraŭnictva Hałoŭpaštamta, ci prapanuje naviedvalnikam lubavacca instalacyjami z našymi, ajčynnymi hierojami kazak, ź Dziadulem Marozam i Śniahurkaj?.. Chutka Novy hod», — napisała Bondarava.
Čytajcie taksama:
Chto moža pieramahčy Bondaravu i na kaho ŭpłyvaje Azaronak