Трэнер першай ракеткі свету: WTA дапусціла памылку, дазволіўшы ўдзельнічаць у турнірах расіянкам і беларускам
«Проста ствараецца напружаная атмасфера, якая добра прадаецца», — сказаў Томаш Віктароўскі.
04.12.2023 / 10:27
Томаш Віктароўскі і Іга Свёнтак. Фота: інстаграм Ігі Свёнтак
Трэнер першай ракеткі свету па выніках 2023 года Ігі Свёнтак Томаш Віктароўскі выказаў меркаванне аб тым, што WTA (Сусветная тэнісная асацыяцыя) зрабіла памылку, дапусціўшы расійскіх і беларускіх тэнісістак да ўдзелу ў турнірах.
«Ці ёсць нейкі асаблівы кантэкст у матчах Ігі з беларускай Сабаленка ці расійскімі гульцамі ў параўнанні з іншымі гульнямі? Не, на маю думку. Проста ствараецца напружаная атмасфера, якая добра прадаецца. Таксама, як было суперніцтва паміж Боргам і Макінроем, Сампрасам і Агасі, або Надалем і Федэрэрам».
«Ці была палітыка за гэтымі суперніцтвамі? Так, вядома, і WTA дапусціла памылку, дазволіўшы ўдзельнічаць у туры расійскім і беларускім гульцам. Цяпер няма сэнсу вяртацца да гэтага пытання. Жорсткае рашэнне павінна было быць прынятае з самага пачатку,» — піша Прессбол.
Нагадаем, што пасля Выніковага турніру WTA, які прайшоў у пачатку лістапада ў мексіканскім Канкуне, Іга Свёнтак вярнула сабе званне першай ракеткі свету. Арына Сабаленка была наверсе сусветнага рэйтынгу два месяцы.
Чытайце таксама:
Сабаленка больш не першая. Свёнтак вяртае сабе званне першай ракеткі свету
Арына Сабаленка запатрабавала павялічыць ёй заробак
Серэна Уільямс выразала з сумеснай фатаграфіі Арыну Сабаленка
Джокавіч першым у гісторыі пачаў 400-ы тыдзень на першым радку рэйтынга. Проста найлепшы