Muž Cimanoŭskaj chutka znajšoŭ joj zamienu. Heta haračaja ŭkrainka, što lubić niu-fota i nienavidzić Pucina
U kancy vieraśnia lohkaatletka Kryścina Cimanoŭskaja zajaviła, što razvodzicca z Arsienijem Zdanievičam. Aficyjna skasavańnia šlubu jašče nie adbyłosia, ale heta nie pieraškadžaje i Kryścinie, i Arsieniju aktyŭna raskazvać u sacsietkach pra svaje novyja stasunki, piša «Trybuna».
02.11.2023 / 18:57
Arsienij Zdanievič. Fota z akaŭnta surazmoŭcy ŭ Instagram
Pryčym novyja abrańniki ŭ dvuch vypadkach z Ukrainy. Cimanoŭskaja raskazvała, što adpraviłasia na adpačynak u Hrecyju, dzie paznajomiłasia z Alaksandram Sałonskim, jaki ŭžo niekatory čas žyŭ u Polščy. Zaviazaŭsia raman, paśla čaho chłopiec pierajechaŭ u Varšavu dziela sumiesnaha žyćcia ź dziaŭčynaj, chacia źbiraŭsia pierabiracca ŭ ZŠA.
Instahram Kryściny Cimanoŭskaj
Zdanievič, jakoha Cimanoŭskaja zaraz abvinavačvaje ŭ nieadnarazovych zdradach, vykładvaje fota z novaj dziaŭčynaj. Pra jaje viadoma zusim niašmat — praz paru tydniaŭ spoŭnicca 24 hady, z sacsietak zrazumieła, što jana z horada Kamianiec-Padolski, 97-tysiačnaha rajcentra ŭ Chmialnickaj vobłaści. Dziaŭčyna stała žyć u Varšavie nieŭzabavie paśla pačatku vajny.
Niekatoryja vysnovy možna zrabić pa Instagram dziaŭčyny, dzie bolš za 1200 padpisčykaŭ. Jana vidavočna drenna stavicca da Rasii i da Uładzimira Pucina — pad fota, jakija časta vychodzili naohuł biez podpisu, źjavilisia takija słovy.
Pa zdymkach jasna, što dziaŭčyna lubić tatuiroŭki — ich na jaje ciele niamała. Ubačyć heta lohka, bo ŭkrainka časta vykładvaje fota ŭ styli niu.
Čytajcie taksama:
«Zrazumieła, što vartaja lepšaha». Kryścina Cimanoŭskaja razvodzicca
Muž Cimanoŭskaj — pra charaktar žonki, rasstavańni ź joju, adjezd ź Biełarusi i zarobki