Пад Гроднам ліквідавалі падпольны бровар, на якім самагонку настойвалі ў дубовых бочках
У Гродзенскім раёне міліцы натрапіла на падпольны бровар, на якім выраблялі элітны самагон, паведамілі ва УУС Гродзенскага аблвыканкама.
01.11.2023 / 23:18
Фота: grodno.mvd.gov.by
«31 кастрычніка супрацоўнікі УАПП пры сілавой падтрымцы АМАП праводзілі рэйдавыя мерапрыемствы на тэрыторыі Гродзенскага раёна, накіраваныя на выяўленне ачагоў самагонаварэння. На адным з хутароў у вёсцы Самборы праваахоўнікі выявілі міні-завод па вытворчасці самагонкі», — расказалі ў гродзенскай міліцыі.
На месцы было выяўлена амаль 7000 літраў самагоннай брагі, больш за 280 літраў гатовага прадукту і самагонны апарат.
Хутка быў устаноўлены і ўладальнік бровара. Ім аказаўся 30-гадовы жыхар Свіслацкага раёна.
Мужчына падышоў да справы вельмі грунтоўна: увесь самагон ён настойваў у дубовых бочках.
Гатовая прадукцыя і брага былі, як сцвярджаецца, знішчаныя, самагонны апарат канфіскаваны. За гэта парушэнне грамадзяніну пагражае штраф да 5 базавых велічынь.
Чытайце таксама:
У Беларусі распрацоўваюць вакцыну ад алкагалізму
На Гродзеншчыне працаваў самагонны завод на колах. Ён курсіраваў па Белавежскай пушчы
Жыхар Верхнядзвінскага раёна пачаставаў суседа крафтавым самагонам, а той здаў яго ў міліцыю