Čarhovaja abłava ŭ Homieli: nie mienš za vosiem zatrymanych za apošni čas
Siońnia vyjšła novaja spravazdača homielskaha HUBAZiK. Ludzi, jak vynikaje z apublikavaha videa, zatrymanyja abo za «ekstremisckija» padpiski, abo za publikacyi ŭ sacyjalnych sietkach.
07.06.2023 / 17:47
Čaćviora z vaśmi zatrymanych. Fota: «UKantakcie», kanał HUBAZiK
Siarod vaśmi zatrymanych, naprykład, 27-hadovy Bahdan Dudko rodam z Dobruša, 33-hadovaja hamialčanka Natalla Kiruščanka. Apošniuju vinavaciać u padpiscy na niejkija z resursaŭ, pryznanych Mininfarmam «ekstremisckimi».
Astatnich zatrymanych siłaviki vinavaciać abo ŭ padpiscy na «zabaronienyja» resursy, abo ŭ kamientarach, abo ŭ publikacyjach.
Ichni los nieviadomy, jak i daty zatrymańnia: pieryjadyčna HUBAZiK vykładaje videa ź ludźmi, zatrymanymi niekalki tydniaŭ tamu.
Niadaŭna, nahadajem, zatrymańni prachodzili ŭ Vaŭkavysku. 1 i 2 červienia schapili kala 15 supracoŭnikaŭ miascovaha miasakabinata, niekatorych paśla pravierki adpuścili.
Čytajcie taksama: