Ukraina ŭviała sankcyi suprać 16 biełaruskich pradpryjemstvaŭ i adnoj prafsajuznaj jačejki
Ukraina ŭviała sankcyi suprać 176 fizičnych asob i 200 rasijskich i biełaruskich abaronnych pradpryjemstvaŭ, śpisy jakich apublikavała pres-słužba prezidenta Ukrainy. Ź Biełarusi pad hetyja sankcyi trapili 16 pradpryjemstvaŭ i čamuści adna pieršasnaja jačejka aficyjnaha prafsajuza.
12.05.2023 / 23:17
Adno z pradpryjemstvaŭ, jakoje patrapiła pad sankcyi, — «Homsielmaš». Fota: gomselmash.by
Biełaruskaja častka śpisa padsankcyjnych pradpryjemstvaŭ nastupnaja:
- AAT «Homielski radyjozavod»;
- AAT «Pielenh»;
- Navukova-vytvorčaje ŭnitarnaje pradpryjemstva «Navukova-techničny centr» ŁEMT «BiełOMA»;
- AAT «Mahiloŭski mietałurhičny zavod»;
- AAT «Biełaruski mietałurhičny zavod — kiraŭničaja kampanija chołdynha «Biełaruskaja mietałurhičnaja kampanija»;
- AAT «Minski padšypnikavy zavod»;
- AAT «BiełAZ» — kiraŭničaja kampanija chołdynha «BiełAZ-CHOŁDYNH»;
- AAT «BiełAZ-Servis»;
- AAT «Staradarožski miechaničny zavod»;
- AAT «Kuźlitmaš»;
- AAT «Kranavy zavod»;
- SZAT «Mahiloŭski vahonabudaŭničy zavod»;
- AAT «Homsielmaš»;
- AAT «Homielski zavod lićcia i narmalaŭ»;
- AAT «Kanstruktarskaje biuro «Dysplej»;
- pieršasnaja prafsajuznaja arhanizacyja dziaržaŭnaj navukovaj ustanovy «Instytut paraškovaj mietałurhii imia akademika A. V. Ramana».
Sankcyi ŭviedzienyja terminam na 10 hadoŭ.
Raniej, u studzieni 2023 hoda, Ukraina ŭžo ŭvodziła sankcyi, abmiežavańni pa jakich zakranuli «Biełaruśkalij», Biełaruskuju čyhunku, AAT «Homielski chimičny zavod», Biełhazprambank i inšyja bujnyja kampanii.
Akramia taho, siońnia Ukraina vyjšła ź Miemaranduma ab supracoŭnictvie ŭ achovie dziaržaŭnych miežaŭ Respubliki Biełaruś, Rasijskaj Fiederacyi i Ukrainy, padpisanaha ŭ 1994 hodzie.
Čytajcie taksama: