Навука і тэхналогіі

Google стварае «Джарвіса» — паўнавартаснага ШІ-сакратара

ШІ-сакратар — наступная стадыя развіцця штучнага інтэлекту, якая ідзе пасля звычайных чат-ботаў і прадугледжвае перадачу частковага кантролю над вашымі прыладамі напрамую нейрасетцы. Канцэпцыя памочніка «Джарвіса», паказаная ў фільмах пра «Жалезнага чалавека», набывае форму рэальнага прадукта, які, паводле ўнутраных дакументаў кампаніі Google, будзе хутка анансаваны пад той жа назвай.

Герой коміксаў Marvel Тоні Старк (Роберт Даўні-малодшы) побач з візуальнай праекцыяй свайго штучнага памочніка «Джарвіса». Кадр з блакбастару «Мсціўцы. Эра Альтрона» 

Кампанія Google стварае штучны інтэлект (ШІ) пад працоўнай назвай Project Jarvis («Праект Джарвіс», ці проста «Джарвіс») — паўнавартаснага сакратара для палягчэння і паскарэння штодзённых задач чалавека.

Карыстальнікі змогуць даручыць «Джарвісу» самастойна ўводзіць тэкст у пошукавіку і збіраць інфармацыю ў інтэрнэце, запаўняць розныя формы, браніраваць квіткі ці нават рабіць пакупкі анлайн. Цяперашняя версія праекта пакуль што адаптаваная выключна для працы з браўзерам Chrome, паведамляюць некалькі крыніц выдання The Information.

Па інфармацыі выдання, «Джарвіс» заснаваны на ўжо існуючай мадэлі штучнага інтэлекту Gemini, і ягоны анонс можа адбыцца ў снежні. Аднак Google плануе правесці абмежаванае тэставанне прадукту перад афіцыйным запускам, каб ліквідаваць магчымыя памылкі і рызыкі. 

Рэч у тым, што «Джарвіс» зможа ўзаемадзейнічаць з асабістымі данымі карыстальнікаў, такімі як электронная пошта, працоўныя файлы і банкаўская інфармацыя. Таму Google падкрэслівае важнасць стварэння механізмаў абароны, каб абмежаваць доступ ШІ да адчувальнай інфармацыі карыстальнікаў, піша The Information.

Акрамя таго, Google разглядае магчымасць пашырэння функцыяналу «Джарвіса» за межы браўзера Chrome. У будучыні інструмент зможа выконваць каманды, звязаныя з кіраваннем усёй сістэмай камп'ютара ці смартфона, напрыклад, адкрываць працоўныя праграмы і размяшчаць іх на экране, падзяліліся крыніцы ў кампаніі.

Згодна з данымі The Information, «Джарвіс» — толькі адзін з многіх праектаў, накіраваных на аўтаматызацыю задач у браўзеры. Напрыклад, Microsoft працуе над нейрасеткай Copilot Vision, а Apple распрацоўвае сістэму, якая будзе распазнаваць інфармацыю на экране прылад і кіраваць іх праграмамі. Стартап Anthropic, у сваю чаргу, нядаўна прадставіў новую версію вядомай нейрасеткі Claude, якая цяпер можа выконваць прымітыўныя каманды карыстальніка на аўтаномнае кіраванне камп'ютарам.

Усё гэта сведчыць аб тым, што ў развіцці штучнага інтэлекту наступае чарговая рэвалюцыя — адыход ад стандартных і пасіўных чат-ботаў да ініцыятыўных мадэляў нейрасетак, якія адначасова з людзьмі, быццам другі пілот, будуць здольныя кіраваць любымі прыладамі.

Каментары

МАК прызнаў легітымнасць Віктара Лукашэнкі і выбараў у НАК Беларусі7

МАК прызнаў легітымнасць Віктара Лукашэнкі і выбараў у НАК Беларусі

Усе навіны →
Усе навіны

У цэнтры Мінска выцягнулася вялізная чарга ФОТАФАКТ19

Беларуска не знайшла сябе ў спісе выпускнікоў школы — лічыць, што праз палітычныя погляды4

«Невядома, калі мы атрымаем наступны заробак». Як прыпыненне падтрымкі ад ЗША паўплывала на беларускія СМІ і НДА5

Памёр Аляксандр Машэўскі1

Пажарныя Лос-Анджэлеса абвясцілі са сцэны пра перамогу Беёнсэ на «Грэмі»2

Сабрына Карпентэр атрымала «Грэмі» за найлепшы поп-альбом, Беёнсё перамагла ў галоўнай намінацыі

Расія пастрожыла прыём таджыкаў пасля «Крокуса», дык яны цяпер спрабуюць у абыход — праз Беларусь1

Рыжанкоў: Беларусь адкрыта да дыялогу з Польшчай6

Трамп паабяцаў увесці мыты на тавары з ЕС12

больш чытаных навін
больш лайканых навін

МАК прызнаў легітымнасць Віктара Лукашэнкі і выбараў у НАК Беларусі7

МАК прызнаў легітымнасць Віктара Лукашэнкі і выбараў у НАК Беларусі

Галоўнае
Усе навіны →

Заўвага:

 

 

 

 

Закрыць Паведаміць