Пакістанец не змог пераехаць беларускую мяжу па пашпарце сябра-італьянца
Паводле слоў Дзяржаўнага памежнага камітэта, дзіўная падмена выявілася пры праверцы дакументаў у пасажыраў рэйсавага аўтобуса «Мінск — Вільня» ў памежным пункце «Каменны Лог».
Адзін з пасажыраў паказаў пашпарт грамадзяніна Італіі, але памежнікаў збянтэжыў выгляд «італьянца».
Калі правялі больш пільную праверку, высветлілася, што мужчына — грамадзянін Пакістана. Паколькі па сваіх дакументах ён выехаць у Еўропу не мог, то папрасіў сябра-італьянца, які знаходзіцца ў Беларусі, даць яму свой пашпарт для перасячэння мяжы. Пасля дакумент павінен быў вярнуцца законнаму ўладальніку па пошце.
Аднак планы былі парушаныя: пакістанца змясцілі ў ізалятар часовага ўтрымання Смаргонскай памежнай групы, а ўладальніка пашпарта прыцягнулі да адказнасці за саўдзел у парушэнні мяжы.
Спроба незаконнага перасячэння мяжы караецца штрафам да 100 базавых велічынь і дэпартацыяй. За выкарыстанне падробленага дакумента пагражае крымінальная адказнасць і да 2 гадоў турмы.
Што за «Сігма бой»? Гэтай віруснай песняй занепакоіліся ў Еўрапарламенце13
Каментары