Ягораў і Пракоп'еў хочуць, каб да жніўня 2025 Ціханоўская правяла выбары лідара дэмакратычных сілаў
Андрэй Ягораў і Вадзім Пракоп'еў заклікалі правесці выбары лідара дэмакратычных сілаў. Яны бачаць у апазіцыі крызіс і перакананыя, што гэта найлепшы спосаб пераадолець яго.
«Выбары — аснова дэмакратыі. Дэмакратычныя сілы маюць правераную платформу Паўла Лібера, якая даказала сваю бяспеку на выбарах у Каардынацыйную раду. … Цяпер важна ўлічыць мінулыя недахопы і прыцягнуць больш выбаршчыкаў.
Выбары не толькі пацвердзяць мандат лідара, але і дазволяць выбарцам выбраць найбольш эфектыўную перадвыбарчую праграму і адсочваць яе рэалізацыю. Мы ўпэўненыя, што да жніўня 2025 года, калі мінаюць паўнамоцтвы дзейнага лідара, дастаткова часу для якаснай падрыхтоўкі і правядзення выбараў», — гаворыцца ў заяве блока.
Ягораў і Пракоп'еў мяркуюць, што арганізаваць такія выбары павінна Святлана Ціханоўская.
Яны не згодныя з тым, што нізкая яўка аслабіць міжнароднае прызнанне.
«Заходнія партнёры кіруюцца выключна сваімі нацыянальнымі інтарэсамі, а не ўнутранымі паказчыкамі дэмакратычных сілаў ва ўмовах рэпрэсій з боку рэжыму Лукашэнкі. Для іх важнейшая наша прыхільнасць дэмакратыі, празрыстасці і змяняльнасці ўлады», — запэўніваюць яны.
Нагадаем, што на канферэнцыі «Новая Беларусь», якая прайшла 3-4 жніўня, быў падпісаны сумесны пратакол, паводле якога Святлана Ціханоўская абвяшчаецца нацыянальным лідарам да моманту правядзення сумленных выбараў у Беларусі.
Некалькі фракцый у Каардынацыйнай радзе, а таксама некаторыя палітычныя групы запярэчылі гэтаму. Блок «Беларусы» Ягорава і Пракоп'ева заявіў, што мандат Ціханоўскай скончыцца 9 жніўня 2025 года, у пятыя ўгодкі апошніх прэзідэнцкіх выбараў.
Блок Ягорава — Пракоп'ева набраў на выбарах у Каардынацыйную раду 1050 галасоў (усяго ўдзел у выбарах узялі 6723 чалавекі). Тыя выбары выйграў блок Паўла Латушкі, за які прагаласавалі 2358 чалавек.
Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34
Каментары
дык пра чые нацыянальныя інтарэсы дбаюць ягоравы-пракопавы? беларусаў? ці заходніх партнёраў?