Свет11

Ірландскі палітык абвінаваціў Беларусь у вырабе фэйкавай рэкламы з яго выявай

Ірландскі палітык і былы прэм'ер-міністр краіны Міхол Марцін абвінаваціў Беларусь і Расію ў вырабе фальшывай рэкламы крыптавалюты з выкарыстаннем ягонай выявы, заўважыла Reform.news.

Міхол Марцін. Фота: AP Photo/Patrick Semansky

«Мяркуецца, што фальшывая рэклама ў інтэрнэце з выкарыстаннем выявы… Міхола Марціна была створаная ў Беларусі і Расіі», — паведаміла выданне Irish Times.

Марцін падаў пазоў у Вярхоўны суд супраць Google, патрабуючы даць інфармацыю пра людзей, якія стаяць за фальшывай рэкламай крыптавалют, у якой выкарыстоўваецца ягонае фота і якая з'яўляецца на легальных вэб-сайтах.

«Падробленая рэклама, відаць, паходзіла з юрысдыкцый Беларусі і Расіі. Падобна на тое, што для аплаты рэкламы выкарыстоўваліся скрадзеныя крэдытныя карты», — паведаміў выданню Марцін.

Ён таксама адзначыў, што сутыкнуўся з вялікімі цяжкасцямі пры ўстанаўленні асобы людзей, якія насамрэч замовілі гэтую рэкламу.

«Google супрацоўнічаў [у сувязі з наяўнасцю] пастановы Высокага суда, і мы атрымалі велізарную колькасць дакументацыі, і давялося наняць людзей для правядзення судовай экспертызы, каб паспрабаваць вызначыць, хто заплаціў за падробленую рэкламу», — удакладніў палітык.

Марцін асудзіў распачатую Расіяй вайну ва Украіне, аднак ён не ўпэўнены, што стаў ахвярай дыфамацыі менавіта з гэтай прычыны.

У пачатку 2024 года Марцін зноў стаў аб'ектам фальшывай рэкламы ў сацсетцы X, якая з'явілася напярэдадні рэферэндумаў у краіне «па пытаннях сям'і і догляду». Палітык адзначыў, што Х ішла на супрацоўніцтва з ім у пытанні высвятлення заказчыкаў фальшывай рэкламы значна горш, чым Google. У сувязі з гэтым Марцін плануе ініцыяваць перагляд у краіне законаў аб дыфамацыі. 

Каментары1

  • Ірландскаму дурню
    25.07.2024
    А ты што ў казку патрапіў?

Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?18

Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?

Усе навіны →
Усе навіны

У Браславе — бусел, у Белавежскай пушчы — лісічкі. Цёплае надвор’е заблытала прыроду1

Латушка адказаў на абвінавачванні Пазняка: Пасварыцца не атрымаецца74

Лукашэнка пракаментаваў чуткі пра адключэнне інтэрнэту ў дзень выбараў7

Для другой АЭС разглядаюць пляцоўку пад Магілёвам10

Былы супрацоўнік Службы бяспекі Лукашэнкі стаў выканаўчым дырэктарам у Белгазпрамбанку3

На лячэнне хлопчыка з Магілёва сабралі $3 мільёны. Гэта самы вялікі збор у гісторыі краіны6

Латушка пра выбары: За мяне пастаўце і за тых, хто быў вымушаны з'ехаць39

СБУ затрымала галоўнага псіхіятра УСУ, які за час вайны разбагацеў больш чым на $1 мільён4

Маск адрэагаваў на абвінавачанні, што ён паказаў нацысцкі жэст29

больш чытаных навін
больш лайканых навін

Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?18

Хто тая прафсаюзная актывістка з МАЗа, якая папрасіла Лукашэнку разабрацца ў ютубе з «беглымі»?

Галоўнае
Усе навіны →