Колькі хлеба і малака можна было купіць на мільён у 2014 годзе і колькі цяпер — на той дэнамінаваны мільён
Колькі прадуктаў першай неабходнасці можна было набыць 10 гадоў таму на мільён недэнамінаваных рублёў і колькі тых жа тавараў змесціцца ў 100 рублёў цяпер, падлічыла BAR24.
Восем гадоў таму, у выніку дэнамінацыі 1 ліпеня 2016 года ў Беларусі, мільён беларускіх рублёў ператварыўся ў сотню. Да цэн без лішніх нулёў беларусы з часам прывыклі. Але тое, як змянілася пакупніцкая здольнасць беларускіх грошай за гэты час, мала хто падлічваў.
BAR24 знайшоў чэкі з баранавіцкіх крам за ліпень 2014 года. І вырашыў падлічыць, колькі хлеба і малака можна было набыць тады на 1 мільён рублёў.
Такім чынам, у ліпені 2014 года палова баранавіцкага хлеба ў баранавіцкіх жа крамах каштавала 7400 рублёў. А літр малака мясцовай вытворчасці тлустасцю 3,2% прадавалі за 7450 рублёў.
Атрымліваецца, што на 1 мільён 10 гадоў таму можна было набыць 135 паловак чорнага хлеба. Або 134 літры малака.
У ліпені 2024 года падобны хлеб баранавіцкай вытворчасці прадаюць за 1 рубель 44 капейкі. А малако ў Баранавічах і ўвогуле больш не вырабляюць. Але пакет малака таго ж абʼёму і той жа тлустасці ад іншага вытворцы каштуе 2 рублі 4 капейкі.
На 100 рублёў сёння можна набыць 69 палавінак хлеба. Або 49 літраў малака.
Выходзіць, што праз 10 гадоў на 100 рублёў у Беларусі можна купіць удвая менш хлеба і амаль утрая менш малака, чым калісьці на мільён.
Лукашэнка прызнаў, што мае патрэбу ў адпачынку і што вялікая колькасць людзей яго праклінае37
Каментары
Половинка нынешнего хлеба дешевле полутора руб. одним видом вызывает рвоту.