Эканоміка

Новыя станцыі метро могуць да канца гэтага года не адкрыць

Новыя станцыі сталічнага метро абяцалі адкрыць у 2024-м, аднак потым тэрміны перанеслі на канец года. Цяпер эксперты лічаць, што і ў гэты дэдлайн будаўнікі не ўкладуцца, піша Tochka.by.

Падчас будаўніцтва метро. Фота ілюстрацыйнае

Як адзначыла ў сваім тэлеграм-канале незалежны аналітык рынку нерухомасці Наталля Літоўская, дабрацца на метро да шчыльна забудаванага жыллёвага комплексу «Мінск-Мір», праз які мае прайсці трэцяя лінія метрапалітэна, надалей будзе праблематычна.

Рэч у тым, што тэндар на выкананне пусканаладачных работ на працягу Зеленалужскай лініі метрапалітэна прызнаны несапраўдным. Гэта можа прывесці да пераносу тэрмінаў здачы ў эксплуатацыю некалькіх станцый.

Па планах уладаў, трэцяя лінія метро будзе налічваць 14 станцый, а агульная яе працягласць складзе каля 16 км. Цяпер на гэтай ветцы функцыянуюць чатыры станцыі: «Кавальская слабада», «Вакзальная», «Плошча Францішка Багушэвіча», «Юбілейная плошча». Яшчэ тры станцыі — «Аэрадромную», «Немаршанскі сад» і «Слуцкі Гасцінец», — дзясятак гадоў таму планавалі здаць у 2022 годзе, а не так даўно ўлады абяцалі зрабіць гэта ў 2024 годзе, перанёсшы тэрмін здачы з 2023-га. Спачатку чарговы ўчастак павінен быў быць адкрыты 4 ліпеня, затым пераразанне стужачкі перанеслі на 7 лістапада.

А цяпер і гэтая дата пад пытаннем, бо тэндар на правядзенне пусканаладачных работ прызнаны несапраўдным. На сайце дзяржзакупак пазначана, што адкрыты конкурс на правядзенне работ, які прайшоў у электронным выглядзе, не адбыўся. Праводзіўся ён для вызначэння падраднай арганізацыі, якая павінна была выконваць «пусканаладачныя работы па аб'екце «першы ўчастак трэцяй лініі Мінскага метрапалітэна ад станцыі «Каржанеўскага» да станцыі «Юбілейная» з электрадэпо».

Згодна з умовамі конкурсу, які праводзіцца дырэкцыяй па будаўніцтве Мінскага метрапалітэна, работы павінны былі быць зроблены з 15 мая па 31 кастрычніка 2024 года. Іх кошт палічаны да капейкі — Br3 млн 146 тысяч 173,72 рубля, што пазначана ў дакументах на правядзенне конкурсу.

Калі будзе праведзены яшчэ адзін тэндар і калі будуць пачатыя работы, тэрмін правядзення якіх складае 5,5 месяца, — пакуль невядома. 

Каментары

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →