Грамадства66

«Хай гэтая Гюльчатай адкрые тварык». Сярод выкладзеных Кіберпартызанамі, выявіўся і ліст Фядуты

Ліст Аляксандра Фядуты адносіцца да 2017 года, калі разгортвалася «справа «Белага легіёна».

Аляксандр Фядута. Фота Антона Матолькі

Аляксандр Фядута ў сваім характэрным стылі пісаў асабіста старшыні Камітэта дзяржаўнай бяспекі Валерыю Вакульчыку.

«Паважаны Валеры Паўлавіч! Усе ўжо парадаваліся спыненню справы аб «Белым Легіёне»? Выдатна. Зараз давайце хоць бы нешта ў гэтай краіне давядзем да канца.

Я пра загадкавую «фрау А.», на паказаннях якой, як я разумею, часткова грунтавалася следства ў момант найвышэйшага свайго ўзбуджэння.

Маўляў, вось, прыйшла дама і паведаміла нашаму пасольству (ці не пасольству?) інфармацыю, з якой усё і пайшло-паехала. Як у школьнай задачы пра дзве трубы — у адну ўцякае, з іншай выцякае. У дадзеным выпадку задачку вырашыць трэба — інакш хрэн усім журналістам цана.

Такім чынам, пытанне першае: у якое менавіта пасольства прыйшла загадкавая «фрау А.»? Спіс адказных супрацоўнікаў на сайце амбасады павінен быць — а ўжо ў аддзеле кадраў МЗС дакладна, дык хто дапусціў гэтую малаўнятную асобу на ахоўную тэрыторыю, Уладзімір Макей дакладна ведае. Хай адкажа — хто.

Аб падпалах нашых пасольстваў нічога чуваць не было, таму кніга, у якой фіксуюцца ўсе (!!!) наведвальнікі, там напэўна захоўваецца. І ў кнізе, стала быць, даныя загадкавай фрау таксама павінны быць зафіксаваныя. Хай МЗС іх прад'явіць. Мне тут запіс у касцёльнай кнізе аб хрышчэнні Тадэвуша Булгарына неяк спатрэбілася знайсці — знайшоўся, уяўляеце? А тут, бадай, часу менш прайшло.

Затым варта падаць пазоў аб абароне гонару і годнасці да гэтай мілай паненкі. Калі яна існуе (!!!), яна напэўна адкажа, што нічога канкрэтнага ні пра каго яна не паведамляла. Тады паўстае пытанне аб правамернасці дзеянняў тых, хто заводзіў крымінальную справу з нагоды персаналій, відавочна пацярпелых у выніку неправамерных следчых дзеянняў, Калі яны сапраўды былі неправамернымі — а вось пра гэта павінна будзе публічна і пісьмова адказаць пракуратура — ёсць жа той яе супрацоўнік, хто даваў санкцыю на арышт, скажам, Лазоўскага? Чым ён кіраваўся? Якія даныя былі яму прад'яўленыя? І чаму гэтых звестак хапіла на арышт, але не хапіла на суд. Цікава ж? Мне таксама цікава.

Зрэшты, беларуская частка гэтага сюжэта, баюся, пры цяперашняй уладзе раскрытая публіцы не будзе. Але гісторыю з фрау А. — даводзьце да канца, хлопцы. Белтэлерадыёкампанія, напрыклад, згодна з законам, павінна правяраць інфармацыю, якую выпускае ў эфір. Як яе супрацоўнікі правяралі, ці адпавядае рэчаіснасці пісьмо фрау? Ці існуе гэты тэкст, які складаў у той момант следчую таямніцу? Хто прад'явіў яго журналістам з БТРКа? І гэтак далей. Яно ёрнічна гучыць, вядома. Але нагадаю: у 2010 годзе Дашкевіча і Лобава саджалі на падставе скаргі персон, якія сядзелі ў суседнім пакоі і не выходзілі ў залу пасяджэнняў. Каб журналісты асоб іх не ўбачылі, пацярпелых гэтых.

Фрау А. пацярпелай не была.

Пацярпелымі аказаліся «легіянеры». У іх ёсць поўнае права дамагацца пакарання паклёпніцы паводле законаў той краіны, дзе яна жыве. Альбо — пакарання супрацоўнікаў беларускага МЗС, якія раптам (!!!) страцілі ўсю інфармацыю аб падазронай цётцы, якая спрабавала абгаварыць мірных нашых суграмадзян. У першым выпадку хай адказвае яна, у другім — архітэктар беларускай адлігі спадар Макей.

Дакладней, яго падначаленыя. Або-або. Яно, імаверна, непрыгожа выглядаць будзе: мала хто з дзяржслужачых так шчыра стараўся, каб «легіянераў» выпусцілі як мага раней, і нават дамогся гэтага. Але міністр па справах лібералізацыі павінен зразумець і нас: яго ж ведамства будзе і надалей заставацца крайнім, калі фрау А. не будзе знойдзена.

«Жэншчыну» ў студыю! Толькі хай гэтая Гюльчатай такі адкрые тварык. Вы жывяце за мой кошт і я хачу ведаць праўду. Патрабую адказаць на мае пытанні.

Ваш стары знаёмы, Фядута».

Аляксандр Фядута сканчае гэты дзёрзкі ліст іранічным подпісам «ваш стары знаёмы», імаверна, нагадваючы пра сваё зняволенне ў СІЗА КДБ у 2010—2011 гадах.

Нагадаем, што Аляксандра Фядуту затрымалі 12 красавіка 2021 года. Яго абвінавацілі ў змове з мэтай захопу ўлады. Разам з ім па справе праходзілі юрыст Юрась Зянковіч, палітык Рыгор Кастусёў, актывіст Дзяніс Краўчук і супрацоўніца офіса Зянковіча Вольга Галубовіч. У верасні 2022 года Фядуту далі 10 гадоў пазбаўлення волі. Яго ўтрымліваюць у катавальных умовах у магілёўскай калоніі №15.

Каментары6

  • этот
    29.04.2024
    А вот и удивил, оказывается с яйцами.
  • Фидут
    29.04.2024
    А не той лі гэта Фядута, які быў ў выбарчай камандзе лукашэнкі ў 1994 годзе, і потым дапамагаў яму ўсталявацца ва ўладзе ?
    За свае памылкі служыць камуністам і лукашэнку ён ужо атрымаў пакаранне.
  • Ахти ж
    29.04.2024
    Странное письмо. Это как писать Ягоде с вопросом так что там с законностью в правосудии СССР. Очень наивно. И сам в итоге Федуьа попал в жернова похожие на операцию чекистов " Операция " Трест" в 20- ых.

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →