Дзяўчыне з Баранавічаў прысудзілі год калоніі за пратэсты. Але пакінулі дома, пакуль яе дзіця не падрасце
Усё праз тое, што яна мае малое дзіця або цяжарная. Раней пра такія выпадкі было невядома.
Дзяўчыну клічуць Крысціна Дыдышка-Чаркашына. Яна нарадзілася ва Узбекістане, але з дзяцінства жыла ў Беларусі — у аграгарадку Друцкаўшчына Нясвіжскага раёна.
Крысціна зарэгістраваная як індывідуальная прадпрымальніца ў сферы «Дзейнасць рэстаранаў».
Згодна з пастановай суда, Крысціна ўдзельнічала ў пратэстах у Баранавічах з 9 на 10 жніўня 2020 года. За гэта ёй прызначылі год калоніі з адтэрміноўкай да моманту, пакуль дзіцяці не споўніцца тры гады.
У Юрыдычнай службе «Вясны» звяртаюць увагу на артыкул 93 Крымінальнага кодэкса. У выпадку, калі ў жанчыны ёсць дзіця ўзростам да трох гадоў або яна цяжарная, то суд можа даць ёй магчымасць адтэрміноўкі да часу, пакуль дзіцяці не споўніцца тры гады. Гэта магчыма, калі прысуд не большы за пяць гадоў калоніі.
Калі дзіцяці споўніцца тры гады, то суд вырашае, што рабіць далей: адправіць адбываць пакаранне, змягчыць яго або звольніць ад пакарання зусім.
Невядома, колькі гадоў дзіцяці Крысціны або яна яшчэ цяжарная, у сацсетках яна пра гэта не піша.
Адначасова з Крысцінай Дыдышка-Чаркашынай судзілі Івана Дыдышку. Ён атрымаў 2 гады калоніі.
«Наша Нiва» — бастыён беларушчыны
ПАДТРЫМАЦЬХто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары
Вы лукашысты зусім прыдуркі?
Калі лукашызм скончыцца (а ён скончыцца), я хачу толькі аднаго - такога ж пакарання для ЎСІХ датычных. І тэрміна даўнасці быць не павінна!