«Пяць траплянняў выпадкова не бываюць». Украінская разведка расказала дэталі знішчэння расійскага карвета «Сяргей Котаў»
Ва ўкраінскай разведцы заявілі, што сярод экіпажу карабля, які патапілі ў Крыме, ёсць загінулыя маракі.
«Бліскучая аперацыя — і «Сяргей Котаў» гэтым разам ужо сапраўды знішчаны. Палявалі на яго не ўпершыню, і ўжо былі паспяховыя атакі, але ён змог аднавіцца пасля правядзення рамонтных работ», — распавёў прадстаўнік Галоўнай управы разведкі Мінабароны Украіны Андрэй Юсаў у эфіры Радыё Свабода.
Па словах Юсава, гэта была не выпадковая атака, а даўгачасная аперацыя: «умоўна пяць прамых траплянняў [марскімі дронамі] выпадкова не здараюцца».
Як даведалася разведка, у Расіі былі планы на судны праекта 22160, да якога належыць «Сяргей Котаў». У прыватнасці, расейцы планавалі размясціць зенітна-ракетныя комплексы на караблі, ужо такія спробы былі.
У дачыненні да экіпажа сітуацыя высвятляецца. Ёсць загінулыя і параненыя, сцвярджае Юсаў. Імаверна, частка экіпажу была эвакуяваная. Вядома пра больш за 10 карэт «хуткай», якія выклікалі на найбліжэйшым участку сушы, дадалі ў ГУР.
«Сяргей Котаў» разам з крэйсерам «Масква» ўдзельнічаў у нападзе на востраў Змяіны ў лютым 2022 года.
Каго з палітвязняў могуць выпусціць пасля анонсу Лукашэнкі?8
Каментары