Еўрасаюз працягнуў яшчэ на год ранейшыя санкцыі супраць рэжыму Лукашэнкі
Еўрасаюз працягнуў яшчэ на год, да 28 лютага 2025 года, санкцыі, уведзеныя раней супраць рэжыму Аляксандра Лукашэнкі ў Беларусі. На гэты момант у чорным спісе налічваецца 233 фізічныя і 37 юрыдычных асоб, паведамляе consilium.europa.eu.
Рада Еўрасаюза прыняў рашэнне аб працягу дзеяння санкцый у панядзелак. У выдадзеным з гэтай нагоды паведамленні падкрэсліваецца, што ў апошнія гады іх уводзілі ў адказ на рэпрэсіі, якія адбываюцца ў РБ, і на падтрымку рэжымам Аляксандра Лукашэнкі агрэсіі РФ супраць Украіны.
Цяпер жа зроблена выснова, што ў Беларусі адбываецца «рэзкае пагаршэнне сітуацыі з правамі чалавека», а рэжым Лукашэнкі працягвае дапамагаць Расіі ў яе вайне супраць Украіны. ЕС заклікае «ўстрымацца ад такіх дзеянняў» і «выконваць свае міжнародныя абавязкі».
Працягненнем санкцый Брусель дасылае «сігнал» «палітычным і эканамічным суб'ектам, што іх дзеянні… маюць цану».
Індывідуальныя абмежавальныя меры ўключаюць замарожванне актываў і забарону на прадастаўленне сродкаў. На фізічных асоб дадаткова распаўсюджваецца забарона на паездкі ў Еўрасаюз.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?10
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары