Моды1313

Што рабіць, калі ў цябе чырвоны твар?

З-за чаго можа ўзнікнуць сіндром чырвонага твару і як з ім змагацца?

Апошнім часам колькасць скаргаў на сіндром чырвонага твару павялічылася, прычым як з боку жанчын, так і з боку мужчын, кажа доктар-касметолаг з дзесяцігадовым стажам працы Ірына (поўнае імя не называем у мэтах бяспекі). Дазналіся, што рабіць з гэтай напасцю.

Фота: БелТА

Чаму чырванее твар?

«Сіндром чырвонага твару — гэта паталогія, якая не з'яўляецца аднамомантава. У большасці выпадкаў яна развівацца гадамі і мае пад сабой канкрэтныя прычыны. Але пацыенты часта грэбуюць вырашэннем гэтай праблемы, бо, як правіла, пачырваненні бязбольныя і фізічна ніяк не турбуюць чалавека», — пачынае Ірына.

Справакаваць з'яўленне сіндрому могуць праблемы ўнутраных органаў, аўтаімунныя захворванні, інфекцыйныя дэрматозы, алергіі, менапаўза і іншыя цяжкасці, таму важна не займацца самалячэннем, а даследаваць прычыну з'яўлення чырвані разам з доктарам. Аднак найчасцей змена колеру твару звязана з трыма асноўнымі фактарамі.

Блашынг-сіндром

«У многіх з нас ёсць знаёмыя, чый твар чырванее з-за любога, нават мінімальнага стрэсавага ўздзеяння: дробнай няўдачы, жарту, павышанай увагі. Такое раптоўнае пачырваненне ў касметалогіі называюць блашынг-сіндромам, — тлумачыць доктар. — У гэтым выпадку чырвань з'яўляецца праз ненармальную рэакцыю арганізма на стрэс: сасуды твару моцна пашыраюцца і да іх прылівае кроў».

Па словах доктара, блашынг-сіндром выклікаюць парушэнні дзейнасці нервовай сістэмы. Каб вырашыць гэтую праблему, звычайна патрабуецца кансультацыя неўрапатолага. 

«Найбольшая складанасць блашынг-сіндрому заключаецца ў тым, што людзі, якія пакутуюць на яго, ведаюць пра такую ​​сваю асаблівасць. Гэтае разуменне толькі дадае стрэсу, што заканамерна толькі ўзмацняе чырвань», — дадае яна.

Кароткатэрміновыя раздражняльнікі

Нават у здаровага чалавека скура твару можа пачырванець — з-за працяглага ўздзеяння сонечных прамянёў, перападаў тэмператур, ветру ці нават ад жорсткага рушніка.

Спецыяліст адзначае, што раздражняльнік, на які рэагуе твар, трэба прыбраць своечасова. Інакш пачырваненні могуць пагоршыцца, і чалавеку спатрэбіцца працяглы догляд з выкарыстаннем аднаўляльных і пажыўных сродкаў.

Захворванні і алкаголь

Чырвань, якая пераходзіць на шыю і месца росту валасоў, часта сведчыць пра хранічныя хваробы ці злоўжыванне алкаголем. Ірына тлумачыць: «Падчас прыёму спіртных напояў адбываецца пашырэнне дробных сасудаў твару, у выніку чаго ўзнікае пачырваненне. Пры працяглым ужыванні адбываецца пашкоджанне печані: з'яўляецца ферментная недастатковасць. Як следства, орган губляе здольнасць трансфармаваць прадукты акіслення этанолу, што адбіваецца на твары чырванню і ацёкамі».

Частыя пачырваненні, якія доўга не спадаюць, могуць сведчыць пра захворванні сардэчна-сасудзістай, гарманальнай, палавой, страўнікава-кішачнай і нервовай сістэм. У такім разе да яркага колеру скуры дадаюцца і іншыя сімптомы. Напрыклад: галаўны боль, млоснасць, слабасць.

Што рабіць з чырвоным тварам?

Каб зразумець, што выклікала сіндром чырвонага твару, трэба звярнуцца да доктара — ён прызначыць абследаванне і прыдатную тэрапію. Але перш чым запісвацца на прыём, не перашкодзіць праверыць, ці не з'яўляецца пачырваненне вынікам стрэсу.

Усім, хто сутыкнуўся з гэтай праблемай, Ірына рэкамендуе адпачыць і, па магчымасці, змяніць абстаноўку. Таксама варта глыбока падыхаць або заняцца ёгай. Калі пачырваненне кароткатэрміновае — можна памыцца прахалоднай вадой ці працерці скуру мяккім вільготным кампрэсам.

«За апошнія гады касметалогія пайшла далёка наперад. Таму калі «хатнія» метады не пасуюць, можна звярнуцца да хірургічнага ўмяшання — сімпатэктаміі», — раіць Ірына.

Паталагічная чырвань зніжае якасць жыцця, абцяжарвае адносіны з асяроддзем і часта вядзе да з'яўлення комплексаў. Каб засцерагчы сябе ад з'яўлення сіндрому, трэба не забывацца выкарыстоўваць сонцаахоўныя сродкі, ужываць алкаголь ва ўмераных колькасцях і паменш нервавацца. Здаецца, апошні пункт выканаць складаней за ўсё.

Каментары13

  • Ганьба
    03.02.2024
    Фотапрыклады ненавязліва падказваюць у якасці прычыны адзін з разгледжаных варыянтаў... :)
  • Проще закусывать
    03.02.2024
    На фото сомелье по плодово-ягодному
  • Красножопый
    03.02.2024
    Блины з водкай вось у чым прычына

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Усе навіны →
Усе навіны

Святлана Ціханоўская сустрэлася з Віктарам Орбанам20

Не рабіце гэтую памылку ў захоўванні хлеба4

Назіраецца маштабны збой электронікі па ўсім свеце. Аэрапорты адмяняюць палёты12

Калабаранты з Запарожскай вобласці выдаюць сустрэчу з прамаскоўскім беларускім актывістам Лушчом за афіцыйны візіт1

За два з паловай гады на мяжы Беларусі і ЕС загінулі 126 мігрантаў2

Хутка суд над мужчынам з «тэрарыстычнага спісу». Верагодна, справа тычыцца каментароў, але яму пагражае да 12 гадоў

Ігар Случак напісаў рэзкі каментар пра рускамоўных беларусаў. Не вытрымаў нават Пазняк114

Трамп афіцыйна прыняў намінацыю кандыдата ў прэзідэнты ад Рэспубліканскай партыі

Айцішніка з A1 будуць судзіць за данаты. Яму пагражае да 10 гадоў калоніі

больш чытаных навін
больш лайканых навін

Што вядома пра грамадзяніна Германіі Рыка Крыгера, якому ў Беларусі прысудзілі расстрэл16

Што вядома пра грамадзяніна Германіі Рыка Крыгера, якому ў Беларусі прысудзілі расстрэл

Галоўнае
Усе навіны →