Вайна2525

Чаму Зяленскі хоча зняць Залужнага? Чатыры прычыны

У апошнія дні актыўна абмяркоўваецца магчымая адстаўка галоўнакамандуючага Узброенымі сіламі Украіны Валерыя Залужнага. Тлумачым, чаму Зяленскі можа быць незадаволены генералам, папулярным у народа.

Валерый Залужны. Фота: AP Photo / Efrem Lukatsky

Розныя вайсковыя прыярытэты

Як піша ў сваёй кнізе «Шоўмен» журналіст Time Сайман Шустэр, супярэчнасці паміж прэзідэнтам Уладзімірам Зяленскім і галоўнакамандуючым Узброенымі сіламі Украіны Валерыем Залужным узніклі яшчэ да пачатку поўнамаштабнага ўварвання Расіі ва Украіну. Залужны выступаў за ўсеагульную мабілізацыю і ўмацаванне межаў з Расіяй, а прэзідэнт баяўся, што такія меры справакуюць у грамадстве паніку.

З пачаткам вайны, як піша Шустэр, па меры таго як рускія адступалі, прэзідэнт Украіны станавіўся ўсё больш упэўненым у сабе. У яго з'явіліся ўласныя бачанні таго, як трэба весці вайну, і яны не заўсёды супадалі з генеральскімі. Неўзабаве раскол узмацніўся. 

Вайсковы аналітык цэнтра Еўрапейскай рады па міжнародных адносінах Густаў Грэсэль пісаў, што Зяленскі, насуперак волі Залужнага, настойваў на ўтрыманні Бахмута летам 2023 года, хаця з ваеннага пункту гледжання ў гэтым ужо не было сэнсу.

Акрамя таго, BILD стала вядома, што Залужны яшчэ некалькі тыдняў таму хацеў вывесці войскі з Аўдзееўкі, аднак Зяленскі адмовіў яму ў гэтым і 29 снежня асабіста паехаў у горад на лінію фронту, каб падтрымаць байцоў УСУ.

Увосень 2023-га ўкраінскія і заходнія СМІ пачалі паведамляць аб канфлікце паміж Зяленскім і Залужным пасля інтэрвʼю апошняга The Economist, дзе галоўнакамандуючы сярод іншага заявіў, што баі на Украіне зайшлі ў тупік. Прэзідэнт публічна з ім не пагадзіўся.

Парушэнне строгай іерархіі ў войску

Для хуткасці Уладзімір Зяленскі мог камунікаваць з кіраўніком Сухапутных войскаў Аляксандрам Сырскім і кіраўніком паветраных сіл Мікалаем Алешчуком у абыход Залужнага. Гэтага патрабуюць абставіны. Але з другога боку, гэта дэстабілізуе працу галоўнакамандуючага УСУ, які даведваецца нешта ад сваіх фармальных падначаленых хіба што на нарадах стаўкі, а то і зусім не даведваецца, пісала «Украінская праўда».

Для строга іерархічнай вайсковай структуры гэта неўласціва.

Чыстка сярод абласных ваенкамаў, замяшаных у карупцыі, якую ініцыяваў украінскі прэзідэнт, таксама мае адваротны бок. Як пісала «Украінская праўда», Залужны пасля гэтых звальненняў агучыў даныя па мабілізацыі: было рэзкае падзенне па ўсіх абласцях. Рашэнне, якое палітычна выглядала правільным (грамадства хацела справядлівасці), мела ваенныя наступствы.

Падобны эфект, лічыць «УП», маюць і кадравыя перастаноўкі, як звальненне камандуючага ССА Віктара Харэнкі, камандуючай медсілаў Таццяны Асташчанка. Усе гэтыя вайскоўцы з арбіты галоўнакамандуючага Залужнага, і іх вызваленне ўносіць нестабільнасць у камандную вертыкаль.

Падазрэнні ў палітычных амбіцыях Залужнага

Не спрыялі добрым узаемаадносінам і падазрэнні з боку офісу прэзідэнта Украіны ў магчымых палітычных амбіцыях Залужнага. Як піша Шустэр, прычынай паслужыла рашэнне генерала стварыць дабрачынны фонд, які, на думку грамадзянскіх уладаў, мог перарасці ў палітычную партыю, ад якой Залужны мог бы вылучыцца ў прэзідэнты. Залужны ў выніку фонду ствараць не стаў.

Сацыялагічныя апытанні паказвалі, што цяпер у Залужнага больш высокі рэйтынг падтрымкі, чым у Зяленскага. Як піша Bloomberg, напружанасць паміж галаўкамам і прэзідэнтам пагаршаецца тым фактам, што Залужны карыстаецца «шалёнай папулярнасцю» як сярод украінскага народу, так і сярод вайскоўцаў.

Зброя і камунікацыя з заходнімі партнёрамі

Паводле звестак «УП», па разліках Генеральнага штаба для выканання задачы Зяленскага па вызваленні ўсёй тэрыторыі Украіны патрабуецца сіл і сродкаў на 350—400 мільярдаў даляраў.

Некаторымі ідэямі планавання Генштаб падзяліўся з кіраўніком Пентагона Лойдам Осцінам падчас яго апошняга візіту ў Кіеў у лістападзе.

«Осціну агучылі патрэбнасць у 17 мільёнах снарадаў. Ён, мякка кажучы, здзівіўся, таму што ва ўсім свеце не сабраць столькі снарадаў», — распавядаў «УП» не пад запіс адзін з чыноўнікаў Сіл абароны.

Прадстаўнікоў Пентагона здзівіла шчырасць украінскіх калег адносна ўнутранай сітуацыі ў краіне.

«У прыватных размовах Осцін распавядаў, што Залужны пастаянна скардзіцца яго генералам на ОП, як яму перашкаджаюць. Ну ясна, што і прэзідэнт пра такія размовы даведаўся. І яны не спрыяюць даверу», — каментаваў на ўмовах ананімнасці чыноўнік Сіл абароны.

З-за адмовы ў пастаўцы ўзбраенняў Украіне, як піша Шустэр, Залужны на час перарываў кантакт са старшынёй Абʼяднанага камітэта начальнікаў штабоў Узброеных сіл ЗША (у 2019-2023 гадах) Маркам Мілі.

Якія б ні былі прычыны незадаволенасці прэзідэнтам Украіны галоўнакамандуючым узброенымі сіламі, рашэнне аб адстаўцы не патрабуе дадатковых абгрунтаванняў і тлумачэнняў. Адпаведна заканадаўству Зяленскі гэта можа зрабіць у любы зручны для яго час. За апошнія месяцы, як адзначаюць аналітыкі, прэзідэнт Украіны не раз быў блізкі да прыняцця такога рашэння. Але пакуль Залужны застаецца на сваёй пасадзе. А ўчора выйшаў яго новы праграмны артыкул.

Чытайце яшчэ:

ЗША папярэджвалі, што Расія высадзіць войскі ў Гастомлі, каб захапіць Кіеў. Але Зяленскі не паверыў

Заходнія медыя лічаць, што звальненне Залужнага — пытанне часу, і ацэньваюць рызыкі

Зяленскі мае намер абвясціць аб звальненні Залужнага цягам некалькіх дзён — CNN

Каментары25

  • .
    02.02.2024
    Ну что, господа калиновцы, теперь на Минск вас поведет не какой-то там военный генерал, а сам величайший архистратег и военный гений всех времен, заслуженный генералиссимус квн и других больших и малых цирков верхом на Подоляке?

    Простите эту горькую иронию: мало того, что снаружи помощью Украине жонглирует ради своих интересов всякий, кому не лень, теперь еще и изнутри конферансье решил не только играть в политика, но и самостоятельно вести войну. Наверное, полистал "Клаузевица и Суньцзы для отстающих в картинках" и понял, что сам справится лучше, делов-то, если уж выборы выиграл... Какая-то лютая жесть.
  • Раптор
    02.02.2024
    Потому что Зел хочет уберечь стою Ж, и в союзе или боязни с агентом козырем планомерно сдают У
    Жалко только погибших людей в этом договорняке. Снятие Зал тому подтверждение.
  • Янка
    02.02.2024
    Вельмі сумняюся, што Залужны мог казаць штосці пра 17 мільёнаў снарадаў. А чынуша ад Ярмака мог 100%.

У Беларусі пачалася перадвыбарчая агітацыя за Лукашэнку ФОТАФАКТ

У Беларусі пачалася перадвыбарчая агітацыя за Лукашэнку ФОТАФАКТ

Усе навіны →
Усе навіны

У Драздах збіраюцца завесці плывучыя альтанкі3

У акупаваным Луганску знеслі помнікі ахвярам сталінскіх рэпрэсій і Галадамору — «па просьбах ветэранаў»6

У Быхаве для патрыятычных акцый прыдумалі пераносны «Вечны агонь» ФОТАФАКТ9

У падземным паркінгу ў Мінску патанулі 14 аўтамабіляў ВІДЭА9

Экс-палітзняволеная Ася Булыбенка апублікавала фота з кнігай Рэмарка — за гэтым хаваецца кранальная гісторыя

Залева ў Мінску, верагодна, была наймацнейшай за ўсю гісторыю назіранняў4

Расійскі салдат прыстрэліў параненага калегу. Прапаганда спрабавала спіхнуць гэта на ўкраінцаў20

Толькі за апошні месяц над Беларуссю праляталі 6 пасажырскіх самалётаў, якія не павінны былі гэтага рабіць

Аўтар «Свінняў» Чарнуха выдае новую кнігу — даведаліся дэталі1

больш чытаных навін
больш лайканых навін

У Беларусі пачалася перадвыбарчая агітацыя за Лукашэнку ФОТАФАКТ

У Беларусі пачалася перадвыбарчая агітацыя за Лукашэнку ФОТАФАКТ

Галоўнае
Усе навіны →