На віленскіх могілках Росы ўшанавалі Каліноўскага і паўстанцаў. Паднялі і беларускі сцяг ФОТЫ
21 студзеня ў Вільні ўшанавалі памяць паўстання 1863-1864 гадоў пад кіраўніцтвам Кастуся Каліноўскага.
У абед адбылася святая Імша ў Кафедральным саборы. А пасля — цырымонія на могілках Росы.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4420-49tup.jpg.webp)
Прысутнічалі прэзідэнты Літвы і Польшчы Гітанас Наўседа і Анджэй Дуда, пасол Украіны ў Літве Пятро Бешта. Запрошана была і Святлана Ціханоўская. Побач з літоўскім, польскім і ўкраінскім сцягамі стаяў і нацыянальны беларускі.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5097-pjlv1.jpg.webp)
«Нашы продкі адмовіліся жыць пад прыгнётам акупантаў. Яны выбралі годнасць замест пакоры. Свабоду замест рабства. Цывілізаваную Еўропу замест варварскай імперыі.
І хоць паўстанне не скончылася перамогай, яно засведчыла палітычнае нараджэнне беларускай нацыі.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4513-93u4k.jpg.webp)
А Кастусь Каліноўскі, які кіраваў паўстаннем на нашых землях, стаў сімвалам нашай супольнай барацьбы за свабоду.
Cёння чатыры народы — Польшчы, Літвы, Беларусі і Украіны — яднаюць месцы яго нараджэння, ягонага змагання і пакутніцкай смерці. Яднае памяць пра яго ў імені палка, які бароніць сёння Украіну», — выступіла Ціханоўская.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4593-p6e4d.jpg.webp)
Яна заўважыла, што цяпер народы супрацьстаяць той самай імперыі.
«Тагачаснай Расійскай імперыі карцела не толькі знішчыць права нашых народаў на самастойнае жыццё, але і самую іхную ідэнтычнасць — мову, культуру, гістарычную памяць і еўрапейскія каштоўнасці. «У нас адно вучаць у школах, каб цябе зусім перарабіці на маскаля», — выкрываў палітыку «рускага свету» Каліноўскі.
Гэтаксама і цяпер Расія спрабуе сцерці ўкраінскую і беларускую самасвядомасць, каб палегчыць і апраўдаць далейшую агрэсію. А прарасійскі рэжым у Беларусі выкараняе беларускую мову і закрывае школы польскай і літоўскай меншасцяў», — прамаўляла Святлана Ціханоўская.
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5012-gpv5v.jpg.webp)
Яна згадала, як нядаўна ў Лідзе знік герб паўстання Каліноўскага з магілы святара-паўстанца Адама Фалькоўскага.
«Тыраны могуць знішчыць помнікі, перапісаць падручнікі, закатаваць людзей у турмах, але ім ніколі не ўдасца знішчыць гераічны паўстанцкі дух», — дадала яна.
Ушанаваць памяць паўстанцаў прыйшлі і беларускія актывісты, былыя палітвязні, ваяры.
Атмасфера цырымоніі — у фотарэпартажы «Нашай Нівы».
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4801-h4252.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4873-dn7aq.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4876-alcfu.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_4903-qwave.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5146-4p1g9.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5312-ceipx.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5374-qh9z8.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5390-3i0ux.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5459-ek600.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5501-zih93.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5656-a83rz.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_01/hadavina_paustannia_rosy_5723-ckq0z.jpg.webp)
Чатырохгадовая Мая Любімцава, якую шукалі больш за суткі, загінула
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Каментары