У Мёрскім раёне мужчына збіраў парэчкі і праваліўся ў 8-метровы калодзеж
Увечары 30 чэрвеня ў вёсцы Стары Пагост Мёрскага раёна мужчына збіраў парэчкі з куста ў двары прыватнага дома і не заўважыў, што непадалёк знаходзіцца закінуты калодзеж.
![](http://nnexpictures.fra1.digitaloceanspaces.com/img/w732d4webp1/photos/z_2023_07/4-12-hqiqa.jpg.webp)
Пасля няўдалых спробаў выбрацца самастойна чалавек стаў клікаць на дапамогу. Аднавясковец, які праходзіў міма, выклікаў ратавальнікаў.
«Мужчына знаходзіўся ў бетонным калодзежы круглай формы дыяметрам 1 метр на глыбіні каля 8 метраў. Вады ў калодзежы было прыкладна на адзін метр», — паведаміла прэс-служба МНС.
![](http://nnexpictures.fra1.digitaloceanspaces.com/img/w732d4webp1/photos/z_2023_07/5-9-tdbd7.jpg.webp)
Чалавека даставілі ў бальніцу з дыягназам «пераахаладжэнне».
Каментары