ПАР цяпер кажа, што не плануе выходзіць з дамовы аб Міжнародным крымінальным судзе дзеля Пуціна
Канцылярыя прэзідэнта Паўднёва-Афрыканскай Рэспублікі Сірыла Рамапосы распаўсюдзіла заяву, што краіна не плануе выходзіць з Рымскага статута аб заснаванні і працэдуры Міжнароднага крымінальнага суда, насуперак заўвагам самога кіраўніка дзяржавы раней у аўторак, паведамляе «Настоящее время».
У жніўні ў ПАР павінен прайсці саміт краін BRICS, на які па статусе павінны запрасіць і расійскага прэзідэнта. Паўднёвая Афрыка прызнае юрысдыкцыю суда ў Гаазе, які выдаў ордар на арышт Уладзіміра Пуціна, і таму фармальна абавязаная будзе выканаць гэты ордар (зрэшты, ніякіх санкцый за яго невыкананне не прадугледжана).
У канцылярыі сцвярджаюць, што ў кіроўнай партыі «Афрыканскі нацыянальны кангрэс» (АНК) няправільна выказаліся. «Прэзідэнцтва хоча растлумачыць, што Паўднёвая Афрыка застаецца падпісантам Рымскага статута… Гэта тлумачэнне вынікае з памылкі ў выказваннях падчас брыфінгу для СМІ, праведзенага кіроўнай партыяй АНК», — гаворыцца ў камюніке, выпушчаным ужо позна ўначы паводле мясцовага часу.
Паўднёвая Афрыка хоча выйсці з-пад юрысдыкцыі Міжнароднага крымінальнага суда
Канстытуцыйны суд Арменіі прыняў абавязанні Рымскага статута. Пуціна могуць арыштаваць?
Чатырохгадовая Мая Любімцава, якую шукалі больш за суткі, загінула
Каментары