Дэндзі беларускай апазіцыі. Што можна сказаць пра вінтажны пухавік Пазняка
Днямі кіраўнік КХП-БНФ Зянон Пазняк наведаў прыфрантавы Бахмут, дзе сустрэўся з байцамі палка Каліноўскага. Паездка ўскалыхнула сацыяльныя сеткі — абмяркоўвалі не толькі сам візіт, але і вінтажны пухавік палітыка.
![](http://d3kcf2pe5t7rrb.cloudfront.net/img/w732d4webp1/photos/z_2023_02/fne0s_axeaymefu-2d7wk.jpeg.webp)
Зянона Пазняка можна аднесці да палітычных доўгажыхароў: яго зорка ўзышла пры канцы 80-х гадоў. Многія выступленні Пазняка становяцца віруснымі. Імёны, якія згадваюцца ў прамовах Зянона Станіслававіча, час ад часу мяняюцца, нязменным застаецца толькі адно — стыль беларускага дзеяча.
Дэндзі беларускай палітыкі 90-х
Зянон Пазняк займае вельмі значнае месца ў шэрагах «старой» беларускай апазіцыі, аднак найбольшы ўплыў на палітычны ландшафт краіны ён аказваў з канца васьмідзясятых да моманту сваёй эміграцыі ў 1996 годзе. Менавіта ў гэты перыяд сфармаваўся звыклы вобраз палітыка — вывераны, ахайны, смелы.
У пачатку 90-х ён апранаўся не проста модна — ён меў добры густ: міксаваў складаныя прынты кашуль і гальштукаў, насіў берэт і трэнчы.
![](http://d3kcf2pe5t7rrb.cloudfront.net/img/w732d4webp1/photos/z_2023_02/935-wdwo8.png.webp)
У адрозненне ад многіх калег, ад якіх на той момант усё яшчэ веяла савецкасцю, Пазняк нагадваў хутчэй заходняга дыпламата, чым слугу народа мясцовага разліву.
![](http://d3kcf2pe5t7rrb.cloudfront.net/img/w732d4webp1/photos/z_2023_02/925-gvrnn.png.webp)
Да выбараў 1994 года Пазняк падышоў з іміджам інтэлігента, які клапоціцца пра культурнае адраджэнне Беларусі. Лукашэнка меў іншы імідж — агрэсіўнага і напорыстага папуліста.
Розніца ў пасылах добра бачная на агітацыйных плакатах таго часу: Пазняк у гальштуку з беларускім арнаментам і лёгкай усмешкай на фоне Лукашэнкі са сціснутымі рукамі на пярэднім плане, якія трансліруюць гатоўнасць да рашучых дзеянняў.
![](http://d3kcf2pe5t7rrb.cloudfront.net/img/w732d4webp1/photos/z_2023_02/901-ea4jz.png.webp)
Аднак няўдача на выбарах не пагасіла энтузіязму палітыка. Пазняк выступаў у ролі процівагі да новай улады, а яркі стыль, сфармаваны ў тыя гады, стаў візітнай карткай, якую ён эксплуатуе дагэтуль.
![](http://d3kcf2pe5t7rrb.cloudfront.net/img/w732d4webp1/photos/z_2023_02/027-qm81p.png.webp)
Разумная беражлівасць
У публічнай прасторы можна сустрэць гісторыі пра беражлівасць Зянона Станіслававіча і пра яго аскетычны падыход да гардэробу. Аднак рэч не толькі ў беражлівасці. Уражанне, быццам «адзенне Пазняка пераехала з дзевяностых», узнікае дзякуючы тонкаму чуццю палітыка.
Кожны грамадскі дзеяч ведае, что паспяховы імідж — важны інструмент: ён дапамагае стаць вядомым і дазваляе замацавацца ў грамадскім дыскурсе.
Нават знаходзячыся ўнутры краіны, дабіцца вядомасці дастаткова складана, не кажучы пра пазнавальнасць пасля чвэрцьвекавой эміграцыі. Таму «закансерваваць» і падтрымліваць стыль, добра знаёмы электарату, — найлепшае рашэнне, якое свядома ці інтуітыўна прыняў Пазняк.
(гартайце ніжэй, каб прачытаць працяг)
«Наша Нiва» — бастыён беларушчыны
ПАДТРЫМАЦЬТак, у гардэробе Зянона Станіслававіча мы можам знайсці рэчы, да болю падобныя адна да адной, якія па стылі нагадваюць адзенне яго залатых часоў. Напрыклад, як гэтыя зялёныя кашулі.
![](http://d3kcf2pe5t7rrb.cloudfront.net/img/w732d4webp1/photos/z_2023_02/dbb14-qgjsx.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_02/16140-kbs17.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2023_02/118-clypl.png.webp)
Або нязменная палоска ў спалучэнні з акцэнтным гальштукам.
![](http://d3kcf2pe5t7rrb.cloudfront.net/img/w732d4webp1/photos/z_2023_02/1147-oignk.png.webp)
Пазняк добра ведае густы сваёй аўдыторыі. Ён адаптуе свой стыль да розных сітуацый: там, дзе трэба прадэманстраваць палітычную вагу і паспяховасць, ён выбірае цалкам сучасны смарт-кэжуал з акцэнтам на важкі залаты гадзіннік.
![](http://d3kcf2pe5t7rrb.cloudfront.net/img/w732d4webp1/photos/z_2023_02/159-5ch25.png.webp)
Дасведчаныя палітыкі, да ліку якіх адносіцца Зянон Пазняк, не баяцца насіць і эканомны вінтаж — гэта таксама адрознівае яго ад многіх іншых публічных персанажаў.
![](http://d3kcf2pe5t7rrb.cloudfront.net/img/w732d4webp1/photos/z_2023_01/photo_2023-01-30_16-55-00-47m4t.jpg.webp)
Беларусы павінны прывыкнуць да думкі, што палітыка — гэта звычайная праца, якая павінна быць аплачана. І на свой заробак палітыкі маюць права купляць усё, што заўгодна.
Каментары