У ранішняй зводцы Генеральнага штаба Узброеных сіл Украіны амаль нічога не паведамляецца пра сітуацыю ў Салядары, дзе, па даных журналістаў, ідуць жорсткія баі. Мяркуючы па звестках з месца падзей, расійскія фарміраванні ўвайшлі ў цэнтр горада, аднак пад поўны кантроль яго пакуль не ўзялі.
Украінскія вайскоўцы толькі згадваюць Салядар у ліку населеных пунктаў на Бахмуцкім напрамку, у раёне якіх працягваюцца абстрэлы з боку арміі РФ.
Акрамя таго, генштаб УСУ сцвярджае, што амаль 1,5 тысячы супрацоўнікаў акупаванай Запарожскай атамнай электрастанцыі, якія адмовіліся атрымліваць расійскія пашпарты і падпісваць дамову з «Расатамам», пазбаўленыя пропускаў і доступу на АЭС.
«Захопнікі шукаюць новых супрацоўнікаў для АЭС на тэрыторыі Расійскай Федэрацыі і рыхтуюць жыллёвы фонд для будучых супрацоўнікаў шляхам так званай «нацыяналізацыі» кватэр мясцовых жыхароў, якія з'ехалі», — сказана ў зводцы.
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары