Будаўніцтва і запуск трох новых паромаў, якія звяжуць Калінінградскую вобласць і астатнюю тэрыторыю Расіі, павінна зняць залежнасць рэгіёна ад тарыфнай палітыкі чыгунак Літвы і Беларусі, піша газета «Коммерсант».
Грузапасажырскі аўтамабільна-чыгуначны паромны комплекс лініі Балтыйск — Усць-Луга дзейнічае з 2006 года. Цяпер на лініі эксплуатуюцца два паромы, але ў бліжэйшы час яны павінны быць спісаныя, паведамляе выданне. Рашэнне аб будаўніцтве трох новых паромаў было прынята вясной 2016 года. Іх агульны кошт ацэньваецца ў 11 млрд расійскіх рублёў, пачаць будаўніцтва збіраюцца ў 2017 годзе.
У ходзе нядаўняга абмеркавання праекта высветлілася, што паром можа канкураваць з чыгункамі толькі пры прадастаўленні субсідый. Таму для будаўніцтва і эксплуатацыі паромаў ствараецца праектная кампанія, блокпакет у якой атрымае ААТ РЖД. Манаполія павінна забяспечыць і доўгатэрміновы скразны тарыф.
Па дадзеных «Infoline-Аналітыкі», асноўны аб'ём перавозак у напрамку Калінінградскай вобласці забяспечваюць ЛУКОЙЛ і «Татнефць» (бензін, дызпаліва, масла, мазут), а таксама «Рускі вугаль» (вугаль). Назад — парожнія цыстэрны і некаторыя віды сельгаспрадукцыі (напрыклад, шрот). Усяго грузапаток праз пераправу складае да 1 млн тон у год.
Кіраўнік «Infoline-Аналітыкі» Міхаіл Бурмістраў кажа, што праект будаўніцтва паромаў, хутчэй, «стратэгічны». Транспартнай і энергетычнай бяспецы Калінінградскай вобласці ва ўмовах пагаршэння адносін з краінамі Еўропы надаецца усё большая ўвага, адзначае эксперт. Без дзяржпадтрымкі акупнасць новых паромаў не дасягаецца, заключае Бурмістраў.
Нядаўна суд Еўразійскай эканамічнага саюза (ЕАЭС) высветліў, што Беларусь не ў поўным аб'ёме выконвае палажэнні Дагавора аб ЕАЭС у плане забеспячэння свабоды перамяшчэння тавараў і функцыянавання Мытнага саюза. Падставай для разгляду ў судзе сталі дзеяньні беларускай мытні, якая ў канцы 2014 - пачатку 2015 гг. арыштавала і рэалізавала бытавую тэхніку, якая належала расійскім кампаніям і перавозіцца аўтамабільным транспартам з тэрыторыі Калінінградскай вобласці ў іншыя рэгіёны Расіі.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары