Rasija buduje datacyjnyja paromy, kab nie zaležać ad taryfaŭ Biełčyhunki

Budaŭnictva i zapusk troch novych paromaŭ, jakija źviažuć Kalininhradskuju vobłaść i astatniuju terytoryju Rasii, pavinna źniać zaležnaść rehijona ad taryfnaj palityki čyhunak Litvy i Biełarusi, piša hazieta «Kommiersant».

Pavialičyć

Hruzapasažyrski aŭtamabilna-čyhunačny paromny kompleks linii Bałtyjsk — Uść-Łuha dziejničaje z 2006 hoda. Ciapier na linii ekspłuatujucca dva paromy, ale ŭ bližejšy čas jany pavinny być śpisanyja, paviedamlaje vydańnie. Rašeńnie ab budaŭnictvie troch novych paromaŭ było pryniata viasnoj 2016 hoda. Ich ahulny košt aceńvajecca ŭ 11 młrd rasijskich rubloŭ, pačać budaŭnictva źbirajucca ŭ 2017 hodzie.

U chodzie niadaŭniaha abmierkavańnia prajekta vyśvietliłasia, što parom moža kankuravać z čyhunkami tolki pry pradastaŭleńni subsidyj. Tamu dla budaŭnictva i ekspłuatacyi paromaŭ stvarajecca prajektnaja kampanija, błokpakiet u jakoj atrymaje AAT RŽD. Manapolija pavinna zabiaśpiečyć i doŭhaterminovy skrazny taryf.

Pa dadzienych «Infoline-Analityki», asnoŭny abjom pieravozak u napramku Kalininhradskaj vobłaści zabiaśpiečvajuć ŁUKOJŁ i «Tatniefć» (bienzin, dyzpaliva, masła, mazut), a taksama «Ruski vuhal» (vuhal). Nazad — parožnija cysterny i niekatoryja vidy sielhaspradukcyi (naprykład, šrot). Usiaho hruzapatok praź pierapravu składaje da 1 młn ton u hod.

Kiraŭnik «Infoline-Analityki» Michaił Burmistraŭ kaža, što prajekt budaŭnictva paromaŭ, chutčej, «stratehičny». Transpartnaj i enierhietyčnaj biaśpiecy Kalininhradskaj vobłaści va ŭmovach paharšeńnia adnosin z krainami Jeŭropy nadajecca usio bolšaja ŭvaha, adznačaje ekśpiert. Bieź dziaržpadtrymki akupnaść novych paromaŭ nie dasiahajecca, zaklučaje Burmistraŭ.

Niadaŭna sud Jeŭrazijskaj ekanamičnaha sajuza (JEAES) vyśvietliŭ, što Biełaruś nie ŭ poŭnym abjomie vykonvaje pałažeńni Dahavora ab JEAES u płanie zabieśpiačeńnia svabody pieramiaščeńnia tavaraŭ i funkcyjanavańnia Mytnaha sajuza. Padstavaj dla razhladu ŭ sudzie stali dziejańni biełaruskaj mytni, jakaja ŭ kancy 2014 - pačatku 2015 hh. aryštavała i realizavała bytavuju techniku, jakaja naležała rasijskim kampanijam i pieravozicca aŭtamabilnym transpartam z terytoryi Kalininhradskaj vobłaści ŭ inšyja rehijony Rasii.

• 0
• 0
• 0
• 0
• 0
• 0
• 0
• 0