Здаецца, але пераможа Трамп. Амерыканцам усе ж сеньня бліжэй будзенныя праблемы і клопаты. Амерыка ўжо не сусьветны лідар, ды й не хоча ім быць.

Не абыйшлося без скандалу — падчас свайго выступу на мерапрыемстве комік Тоні Хінчкліф назваў Пуэрта-Рыка «плывучым востравам смецця», чым выклікаў крытыку з боку рэспубліканцаў і дэмакратаў.

Насамрэч там было нашмат круцей. Большасць СМІ сціпла напісалі, што Хінчкліф заўважыў, што лацінасы "любяць рабіць дзетак" (Latinos "loved making babies"). Зусім няшматлікія адважыліся перадрукаваць абсцэнны працяг ягонага расісцкага жарту цалкам: they don't pull out and c*m inside, just like they did to our country

Яшчэ Хінчкліф выдаў "яскравы" жарт пра рэзку кавуноў з чарнаскурым сябрам, малазразумелы для беларускай аўдыторыі. Ён тычыцца расісцкага здзека над раўнаваннем правоў афраамерыканцаў пасля працяглага тэрміну расавай дыскрымінацыі ў ЗША, які з'яўляецца вельмі абразлівым і крыўдным для афраамерыканскай аўдыторыі.

Але галоўным стала тое, што прысутны пад час гэтага вар'ятцтва Трамп ніякім чынам не асудзіў словы Хінчкліфа ні адразу, ні нават дагэтуль. Нешта падобнае адбылося на перадвыбарчым мітынгу Джона МакКейна, калі тый змагаўся за прэзідэнцкі фатэль супраць Абамы, але Маккейн адрэагаваў на абуральныя выказванні аднаго са спікераў неадкладна, адэкватна і годна - ён адразу ж выйшаў на трыбуну і рэзка асудзіў падобныя выказванні.

Мне не падабаюцца абодва варыянты. Але я думаю, што паміж кепскага і благога абяруць Трампа.

Трамп заявіў: "Biden became mentally impaired. Kamala was born that way." (Байдэн выжыў з розуму, а Камала такой нарадзілася).