Суды супраць заходніх кампаній у лукашэнкаўскіх "судах" непадсудныя ў іх нават па лукашэнкаўскіх законах і падставай для "аздараўлення" балансу Беларуснафты быць ня могуць. Таму што ніводная буйная сур'ёзная заходняя кампанія з яе юрыстамі ніколі не пагадзіцца ў кантрактах куплі-продажу з Беларуснафтай на арбітраж па беларускаму праву і ў беларускім судзе. Магчымыя варыянты тычацца толькі паважаных прававых краін і адпаведных судоў кшталту Стакгольмскага арбітражу, як у спрэчцы паміж Газпрамам і Нафтагазам. Імаверна, у Беларуснафце добра разумеюць аб адсутнасці для яе пазітыўных судовых перспектываў у дарэчных судах і выдатках на гэтую справу, таму і здзейснілі прававую прафанацыю з удзелам кішэнных лукашэнкаўскіх судоў. Нават выдатна ўяўляючы, што нідзе за мяжой (бадай што апроч Расеі) выканаць падобнае судовае рашэнне немагчыма.