Батуми. Фото: «Салідарнасць»

Батуми. Фото: «Салідарнасць»

Глядзі, другарадны герой трэцясортнай Элады:
З такіх біяграфіяў робяцца толькі даклады.
Інструкцыі для недажыўшых да веку сталога.
І, можа быць… можа быць пара радкоў некралога,
Малітвы за ўсіх і нікога на брацкай магіле -
Два метры над крышкай — прыблізна сем футаў пад кілем.
Далёка заплыў, каб захраснуць у завужаным вусці
Героем для тостаў пра тых, хто не з намі чамусьці.

Навокал цяплее. Хвіліна, краіна, другая -
А я за сабой беларускую восень цягаю.
І холад, які пранікае у сэрца, у пальцы
Хоць біся у сопку башкой, хоць зарыйся у гальцы.

Такога заўжды і з паўслова пазнаеш адразу:
Бясконцая восень, дзе верасень — форма адказу
На ўсе твае мары гаротнай выгнанніцкай казкі,
Куды б ты ні сунуў халодны свой нос уцякацкі.

Сабакі глядзяць як іх горад ваюе з прыбоем.
Адчай і адчайкі усё запаўняюць сабою.
Я моўчкі знікаю пад іх несканчаемы клёкат
Ля чорнага-чорнага мора. Далёка-далека.

Батуми, 2024.

Читайте также:

«У уехавших нередко объем смелости увеличивается за счет объема памяти». Карпов — про Санникова

«Самая большая сила в мире — это сила них…» — Стась Карпов о русской духовности

«И даже Путина зае…ли. И даже Путин их зае…л». Стась Карпов поделился мыслями о «хороших русских», которых он наблюдал на жарком юге

Клас
6
Панылы сорам
0
Ха-ха
0
Ого
0
Сумна
1
Абуральна
0