Rasija za hod skinuła na ŭłasnuju Biełharadskuju vobłaść 38 avijabombaŭ
Za apošni hod jak minimum 38 rasijskich kiravanych avijabombaŭ upali ŭ Biełharadskaj vobłaści Rasii. Pra heta piša The Washington Post sa spasyłkaj na ŭnutrany dakumient miascovych uładaŭ, jaki byŭ pierachopleny ŭkrainskaj raźviedkaj.
Dakumient źmiaščaje tablicu ź infarmacyjaj pra incydenty, raźminiravańni i evakuacyi hramadzian.
Danyja achoplivajuć pieryjad z krasavika 2023 hoda pa krasavik 2024-ha. Havorka idzie pra ciažkija kiravanyja bomby savieckaj vytvorčaści ź sistemaj naviadzieńnia, jakaja, na dumku ekśpiertaŭ, časta vychodzić z ładu. Heta i pryvodzić da padzieńnia bombaŭ na terytoryi Rasii.
Bolšaść bombaŭ znajšli cyvilnyja asoby: fiermiery, leśniki i miascovyja žychary. U bolšaści vypadkaŭ Minabarony Rasii nie zmahło adkazać, kali byli zapuščanyja bomby. Heta śviedčyć pra toje, što znojdzienyja bojeprypasy mahli pralažać na ziamli niekalki dzion.
Jak minimum čatyry bomby ŭpali na sam Biełharad, jašče siem byli vyjaŭlenyja ŭ najbližejšych pryharadach. Bolš za ŭsio, 11 bombaŭ, upała ŭ pamiežnym Hrajvaranskim rajonie, dzie niekatoryja nie ŭdałosia znajści z-za «składanaj apieratyŭnaj abstanoŭki».
Užo ŭ mai-červieni ŭ Biełharadskaj vobłaści było zafiksavana jašče niekalki vybuchaŭ, jak miarkujecca, źviazanych z padzieńniem rasijskich bombaŭ FAB-500.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary