Ekanomika22

«Biełavija» sprabavała zakupić novyja samaloty, ale kitajskija darahija, a rasijskija nieprydatnyja dla dalokich palotaŭ

Zakupić zachodnija, navat patrymanyja, samaloty pakul nie atrymlivajecca praz sankcyi. Pra heta piša «Biełpoł» sa spasyłkaj na aficyjnyja dakumienty.

belavia Biełavija Biełavia
Fota: belavia_official / Telegram

Dniami hiendyrektar avijakampanija «Biełavija» Ihar Čarhiniec zajaviŭ, što, niahledziačy na sankcyi, kampanija nie maje prablem z zapasnymi častkami i harantuje biaśpieku palotaŭ.

Razam z tym, zhodna z dakumientami, jakija dastaŭ «Biełpoł», sankcyi značna ŭskładnili pracu «Biełavija».

Apošnija samaloty byli zakupleny ŭ 2020 hodzie ŭ lizinh. Ciapier zapyty na zakupku marak Boeing, Airbus i Embraer ci ihnarujucca, ci za ich patrabujuć 100% pieradapłatu, što pahražaje zamarožvańniem srodkaŭ. Jak vynikaje z dakumientaŭ, u avijakampanii takich srodkaŭ niama.

«Biełavija» nakiravała zvyš 70 zapytaŭ lizinhavym kampanijam, ale jany admovilisia ad supracoŭnictva. Byli zvaroty da ŭładalnikaŭ patrymanych samalotaŭ u Tadžykistanie, Kyrhyzstanie, Kitai, AAE, Turcyi, Sinhapury, Uźbiekistanie i Manholii. Ale i jany admovilisia.

Adzinaj krainaj, jakaja prapanavała supracoŭnictva, byŭ Kitaj. Ale ŭ hetym vypadku sama «Biełavija» admoviłasia. Pryčynaj staŭ vysoki košt i najaŭnaść u samalotach zachodnich kamplektujučych, što stvaryła b prablemy z techničnym absłuhoŭvańniem.

Sproby nabyć samaloty rasijskaj vytvorčaści pakul znachodziacca na stadyi abmierkavańnia, bo sami avijałajniery tolki płanujucca da sieryjnaj vytvorčaści. U lepšym vypadku ich pastaŭki mohuć adbycca ŭ 2027 hodzie. I heta pry ŭmovie padpisańnia kantraktu ŭžo ciapier.

Biełaruski bok nie idzie na padpisańnie, bo ličyć ceny zavyšanymi. Kali b nie sankcyi, to zachodnija anałahi rasijskich MS-21-310 karparacyi «Jakaŭleŭ» ci Sukhoi Superjet 100 abyšlisia b bolš čym u dva razy tańniej.

Jašče adnoj pieraškodaj u nabyćci źjaŭlajecca niežadańnie rasijskich lizinhavych kampanij pracavać z «Biełavija». Da hetaha treba dadać nieadpaviednaść rasijskich samalotaŭ zajaŭlenym lotna-techničnym charaktarystykam.

Zamiena impartnych ruchavikoŭ rasijskimi anałahami zrabiła hetyja mašyny ciažejšymi i adnačasova źniziła faktyčnuju dalnaść i vyšyniu palotu. Tamu jany niepryhodnyja dla palotaŭ u Indyju, Kitaj, AAE i Jehipiet.

Kamientary2

  • Irma
    28.06.2024
    Mnie škada Biełaviju, było zručna, škada što ŭsio cyvilizavanaj razburajecca... A palitviaźniaŭ štości ad hetych sankcyj mienš nie stanovicca
  • Kolki jašče naiŭnych zastałosia??
    28.06.2024
    Irma , Zručna ŭ try iksa daražej ŭ paraŭnańni ź Vilniusam lotać?))) Biez sankcyj nažal palitviaźnieŭ było b nie mienš

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu

Usie naviny →
Usie naviny

Samy sapraŭdny kot pracuje ŭ biełaruskim muziei FOTAFAKT1

U Polščy abviaścili ŭ vyšuk biełaruskuju špijonku4

U Bresckaj vobłaści złačyncu złavili dziakujučy stałovaj łyžcy1

Papularny DNK-servis abnaviŭ danyja. U biełarusaŭ rezka vyrasła dola bałtyjskich hienaŭ35

Łaŭroŭ: «Interbačańnie» ŭ Maskvie projdzie biez vyčvarenstvaŭ3

Barsuk, jaki lubujecca svajoj vyjavaj u styli Benksi, staŭ pieramožcam na konkursie fatahrafij dzikaj pryrody1

Tramp zabaraniŭ transhiendarnym spartsmienkam udzielničać u žanočych spabornictvach3

«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach15

U Samary zabili byłoha mera horada i jahonuju žonku. Ich unučku padazrajuć u zabojstvie i rasčlanieńni

bolš čytanych navin
bolš łajkanych navin

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu

Šarenda-Panasiuk: Heta jak uvaskrašeńnie ź miortvych. Ja dumała, što ŭžo nie vyjdu

Hałoŭnaje
Usie naviny →

Zaŭvaha:

 

 

 

 

Zakryć Paviedamić