U BiełAZa źjaviŭsia niezvyčajny kankurent ź Japonii. Jon pieršy ŭ svaim rodzie i voś čamu
Novy karjerny samazvał ad japonskaj firmy Hitachi paśpiachova prajšoŭ usie vyprabavańni i ŭžo pracuje ŭ Zambii.
Hałoŭnaj fiškaj mašyny źjaŭlajucca tralejbusnyja štanhi i najaŭnaść całkam elektryčnaha ruchavika, što ŭ sukupnaści robić pracu samazvała niaspynnaj i dazvalaje jamu padzaradžacca na chadu, piša partał New Atlas.
Kampanija śćviardžaje, što dadzienaja inavacyja źjaŭlajecca pieršaj u śviecie, bo całkam prybiraje vuhlarodnyja vykidy i značna skaračaje vytvorčyja vydatki. Samazvału nie treba spyniacca ci pastajanna znachodzicca pad elektralinijami, a jahonaja kanstrukcyja dazvalaje brać na siabie ŭ siarednim 221 tonu karysnaj nahruzki (maksimalnuju hruzapadymalnaść kampanija Hitachi pakul nie raskryvaje. Naprykład, u BiełAZa jana składaje ad 450 da 500 ton. — «NN»).
Z charaktarystyk novaha samazvała viadoma tolki toje, što jahonaja daŭžynia składaje 14 mietraŭ, dyjamietr šyn — 74 santymietry, a sama mašyna siłkujecca ruchavikom vytvorčaści Cummins mahutnaściu 2500 konskich sił.
Kamientary
https://auto.onliner.by/2021/05/27/quarry-dust-and-electric-wires-part-2