Na biełaruska-litoŭskaj miažy adbyŭsia pavietrany boj. U im syšlisia drony pamiežnikaŭ i kantrabandystaŭ
Pamiežniki pierachapili try drony ŭ Šalčyninskim rajonie z 2 000 pačkaŭ kantrabandnych cyharet, jakija prylacieli ź Biełarusi, piša Delfi.lt.
U aŭtorak viečaram supracoŭniki pamiežnaha punkta ŭ Šalčyninkskim rajonie pačuli huk drona, jaki lacieŭ ad dziaržaŭnaj miažy na litoŭski bok. Dron upaŭ paśla taho, jak pamiežniki ŭžyli supraćdronnaje prystasavańnie.
Pry ahladzie miascovaści pamiežniki vyjavili dron, da jakoha byŭ prymacavany skrutak, zahornuty ŭ prazrystuju polietylenavuju plonku. U im akazałasia 700 pačkaŭ cyharet NZ Gold ź biełaruskaj etykietkaj.
Nieŭzabavie pobač z hetym miescam była vyjaŭlenaja jašče adna ŭpakoŭka z 500 pačkami kantrabandnych cyharet «Minsk— Supierślims» ź biełaruskimi akcyznymi markami. Paśla hetaha litoŭskija pamiežniki padniali ŭ nieba dron, kab ahledzieć miascovaść.
Pa vynikach ahladu była znojdziena jašče adna ŭpakoŭka z 750 pačkami biełaruskich cyharet «NZ Gold».
Kaho z palitviaźniaŭ mohuć vypuścić paśla anonsu Łukašenki?7
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary