Bajden pamiłavaŭ tysiačy vieteranaŭ, asudžanych u minułym za adnapołyja adnosiny

Prezident ZŠA Džo Bajden pamiłavaŭ tysiačy vieteranaŭ uzbrojenych sił, jakija na praciahu dziesiacihodździaŭ byli asudžanyja ŭ adpaviednaści z vajennym zakanadaŭstvam, što zabaraniała adnapołyja seksualnyja adnosiny, a zatym zvolnienyja, piša Bi-bi-si.

Usie jany byli asudžanyja na padstavie 125-ha artykuła adzinaha kodeksa vajskovaj justycyi, jaki ŭstanaŭlivaŭ kryminalnuju adkaznaść za sadamiju.

Hety zakon byŭ uviedzieny ŭ 1951 hodzie i dziejničaŭ až da 2013 hoda, kali jon byŭ pierapisany Kanhresam ZŠA tak, što pad zabaronaj akazalisia tolki hvałtoŭnyja dziejańni.

U svajoj zajavie Džo Bajden taksama nazvaŭ svajo rašeńnie «vypraŭleńniem histaryčnaj niespraviadlivaści».

«Siońnia ja vypraŭlaju histaryčnuju niespraviadlivaść, vykarystoŭvajučy svajo prava pamiłavańnia, kab pamiłavać mnohich byłych vajskoŭcaŭ, jakija byli asudžanyja prosta za toje, što jany byli samimi saboj, — zajaviŭ prezident. — U nas jość śviatoje abaviazacielstva pierad usimi našymi vajskoŭcami, uklučajučy našych advažnych vajskoŭcaŭ ŁHBTK+: naležnym čynam padrychtavać i ekipiravać ich, pierad tym, jak pasłać ich u niebiaśpiečnaje miesca, a taksama kłapacicca pra ich samich i pra ich siemjach, paśla ich viartańnia dadomu».

Zajava Bajdena była zroblena ŭsiaho praz tydzień paśla taho, jak amierykanski navinavy vebsajt dla vieteranaŭ the War Horse apublikavaŭ historyju dvuch aficeraŭ vajskovaj palicyi Mony Makhuajr i Karły Leman, jakich vyciahnuli z kazarmaŭ, dapytali i prymusili pryznacca ŭ sadamii paśla taho, jak chtości ź ich uzvoda paviedamiŭ uładam, što jany ŭ adnosinach.

Pavodle acenak Biełaha doma, reabilitavanyja mohuć być tysiačy vieteranaŭ, asudžanych u pieryjad z 1951 pa 2013 hod. Adnak pamiłavańnie nie zakranie ich aŭtamatyčna.

Im daviadziecca padać zajavu praź Ministerstva abarony dla aficyjnaha pierahladu ich spravy i źniaćcia abvinavaŭčaha prysudu, što daść mahčymaść taksama pierahledzieć umovy ich zvalnieńnia i damahčysia atrymańnia vieteranskich ilhot. Pakul niezrazumieła, kolki času heta zojmie.

Pradstaŭniki prezidenckaj administracyi kažuć, što ciapier jak raz i pracujuć nad tym, kab maksimalna achapić vieteranaŭ, jakija paciarpieli ad zakona ab sadamii.

U cełym amierykanskija ŚMI ličać, što havorka idzie pra amal 100 tysiačach vajskoŭcaŭ, zvolnienych z vojska z hańbaj, što pazbaviła ich mahčymaści atrymać poŭny nabor ilhot, jakija pradstaŭlajucca vieteranam, u tym liku biaspłatnaje miedycynskaje absłuhoŭvańnie.

Z času prezidenctva Biła Klintana ŭ vojsku taksama dziejničała palityka» nie pytaj, nie kažy»: vajskoŭcaŭ nie pytalisia pra ich sieksualnuju aryjentacyju, ale kali pra jaje stanaviłasia viadoma kamandavańniu, to jany padlahali zvalnieńniu.

Heta stanovišča było admieniena Barakam Abamam, što i dazvoliła vajskoŭcam-hiejam nie chavać svaju seksualnuju aryjentacyju.

• 0
• 3
• 0
• 0
• 0
• 0
• 0