Piaciora pasažyraŭ mikraaŭtobusa z DTZ pad Dokšycami — u reanimacyi
U žudasnaj avaryi ź mikraaŭtobusam pad Dokšycami paciarpieła 11 čałaviek, u tym liku 8 dziaciej, paviedamlaje Ministerstva achovy zdaroŭja. Pry hetym adzin darosły i čaćviora dziaciej špitalizavanyja ŭ reanimacyjnaje adździaleńnie ŭ ciažkim stanie.
![](http://nnexpictures.fra1.digitaloceanspaces.com/img/w732d4webp1/photos/z_2024_06/2024-06-21214616-36fn8.jpg.webp)
Usie paciarpiełyja byli dastaŭlenyja ŭ Dokšyckuju centralnuju rajonnuju balnicu. Paźniej adno dzicia było pieraviedzienaje ŭ Hłybockuju CRB.
U dokšyckuju CRB vyjechali śpiecyjalisty sa stalicy: piać niejrachirurhaŭ z RNPC nieŭrałohii i niejrachirurhii, aniestezijołah-reanimatołah i traŭmatołah z BCHMD Minska, aniestezijołah-reanimatołah i dziciačy chirurh z BDMU i aniestezijołah-reanimatołah z RNPC dziciačaj chirurhii.
DTZ adbyłosia 21 červienia kala 19:30 pad Dokšycami. Aŭtamabil Volkswagen Passat, vyjazdžajučy z druhasnaj darohi, urezaŭsia ŭ mikraaŭtobus ź dziećmi. Kiroŭca i pasažyrka lehkavika zahinuli na miescy.
Kamientary