U Čačersku znoŭ sprabujuć pradać za biescań staradaŭniuju siadzibu
Znoŭ vystavili na tarhi budynak siadziby hrafa Čarnyšova-Kruhlikava ŭ Čačersku, paviedamlajecca na sajcie Biełaruskaj univiersalnaj tavarnaj biržy. Heta ŭžo nie pieršaja sproba pradać architekturny abjekt.
Pačynałasia ŭsio z taho, što Čačerski rajvykankam vystaŭlaŭ siadzibu za 860 tysiač rubloŭ. Paśla canu źnizili ŭdvaja, a ŭrešcie dajšli i da taho, kab sprabavać zbyć choć za adnu bazavuju vieličyniu — na siońnia heta 40 rubloŭ.
Pomnik architektury XIX stahodździa, jaki spałučaje rysy ramantyzmu i poźniaj hotyki, znachodzicca ŭ Čačersku na skryžavańni vulic Uljanava i Internacyjanalnaj. U kampazicyju ansambla ŭvachodziać siadzibny dom, reštki parku, haspadarčych pabudoŭ i stajni.
Budavać siadzibu pačaŭ u 1774 hodzie pieršy rasijski namieśnik u Biełarusi hienierał-fieldmaršał hraf Zachar Čarnyšoŭ. U pačatku XX stahodździa ŭ budynku siadziby raźmiaščałasia ziemskaja škoła druhoj stupieni, jakaja paśla 1925 hoda była pierajmienavana ŭ biełaruskuju škołu ź siamiu kłasami adukacyi.
Paśla Druhoj suśvietnaj vajny ŭ byłym pałacy funkcyjanavali viačerniaja škoła, biblijateka dla dziaciej, Dom pijanieraŭ, historyka-etnahrafičny muziej. Ciapier tut znachodzicca Čačerski rajonny centr ramiostvaŭ, falkłoru i etnahrafii.
Płošča pabudovy — 1129 m2. Adznačajecca, što ŭ budynku majecca centralnaje aciapleńnie, chałodnaje vodazabieśpiačeńnie, kanalizacyja, elektrazabieśpiačeńnie, vientylacyja.
Kupić pomnik architektury možna praz aŭkcyjon, jaki projdzie na sajcie Biełaruskaj univiersalnaj tavarnaj biržy 22 lipienia. Padać zajaŭku na ŭdzieł u aŭkcyjonie treba da 17 lipienia.
Na ramontna-restaŭracyjnyja raboty siadziby advodzicca dva hady paśla kupli.
Hrafskuju siadzibu ŭ Čačersku vystavili na prodaž treci raz, užo praktyčna zadarma
Znoŭ sprabujuć pradać hrafskuju siadzibu ŭ Čačersku
U Čačersku vystavili na tarhi hrafskuju siadzibu
«Hety asfalt lažyć dakładna na toj darozie, dzie 236 hadoŭ tamu prajechała Kaciaryna II». Vam samim nie śmiešna?»
U Čačersku pačali rekanstrukcyju ratušy XVIII stahodździa
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary
A zavyšanaja jana praz razmaityja abciažeńni nakładanyja na mierkavanaha ŭłaśnika.
Zrešty, dziakujučy takim abciažeńniam zachavańnia histaryčnaści i zabarony pryjadnańnia kamuntkacyjaŭ nie adna siadziba zhniła i zhnije.
Na zakančeńnie pryjadnajusia da tuhi aŭtaraŭ artykułu, što mała hrošaj na nastaŭnic, spartoŭcaŭ, histfak i ŭvieś bdu z hubazikam i azaronkam vyručać z prodažu