«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Karystalniki sacyjalnych sietak zapisvajuć videa pad pieśniu, jakaja pavinna zaachvočvać ludziej viartacca ŭ Biełaruś, kab pabudavać kvateru i naradzić dziaciej. Ale heta nie čarhovyja radki Hanny Siałuk — zdajecca, niaviestku Łukašenki pieraplunuŭ štučny intelekt.
Pieśnia sapraŭdy hučyć vielmi padobna da taho, što zvyčajna stvarajuć prydvornyja aŭtary słoŭ i kampazitary kštałtu Hanny Siałuk i Jaŭhiena Alejnikava. Piaščotnyja žanočyja hałasy śpiavajuć:
«Dałaś tiebie vot eta Polša,
V RB zarpłata bolšie.
I miedicina počti čto biespłatno,
Vozvraŝajsia skorieje obratno.Ty za hraniciej počti čto nikto,
Pora vozvraŝaťsia tiebie už davno.
Postroiť kvartiru, dietiej narožať,
Nie nado było tohda ujezžať».
Ale adšukać u huhle infarmacyju pra toje, chto ž napisaŭ taki etałonny prapahandyscki chit i chto jaho vykonvaje, niemahčyma. Adkul ža jon uziaŭsia?
Padkazka znajšłasia ŭ tyktoku — pieršym trek u sacsietku zahruziŭ biełaruski stendapier Michaś Iljin. Jon raspavioŭ «Našaj Nivie» cikavuju historyju źjaŭleńnia pieśni, jakuju, jak vyśvietliłasia, i skłaŭ, i praśpiavaŭ štučny intelekt.
— Ščyra kažučy, ja sam natknuŭsia na hety trek vypadkova — jon byŭ u telehram-kanale No Context Belarus. Ja taksama spačatku nie zrazumieŭ, ci heta trolinh, ci sapraŭdy novy chit prapahandy.
Michaś vyrašyŭ, što budzie śmiešna vykarystać pieśniu dla videa ŭ sacsietkach, bo takija štampy pra žyćcio za miažoj dakładna znojduć vodhuk u sercach mihrantaŭ.
— Praź niekatory čas znajomyja raspaviali mnie historyju ŭźniknieńnia pieśni: adzin ajcišnik ź Biełarusi vyrašyŭ pažartavać sa svajho siabra (ajcišnika-biełarusa, jaki pierajechaŭ u Polšču) i z dapamohaj štučnaha intelektu zapisaŭ voś hety muzyčny frahmient.
Stendapier kaža, što huk staŭ papularnym jak siarod palityčnych emihrantaŭ, tak i siarod prychilnikaŭ režymu Łukašenki.
— Jak čałaviek, jaki zahruziŭ trek, ja baču, chto dadaje jaho ŭ svajo videa. Śmiešna bačyć, što pieryjadyčna jaho vykarystoŭvajuć u tym liku i jabaćki. Naprykład, trek dadała ŭ svoj ryłs kiraŭnica BRSM, zdajecca, Mahiloŭskaj vobłaści. Ja spačatku paśmiajaŭsia, a potym joj u kamientaryjach napisaŭ, što jana vykarystała pieśniu sa staronki, jakaja ŭ Biełarusi pryznana ekstremisckimi materyjałami. Praz paŭhadziny žančyna vydaliła svajo videa.
Treba adznačyć, što navat biełaruskija prapahandysty nie vielmi sočać za tym, jakija treki vykarystoŭvajuć dla svaich videa. Naprykład, videa pad «himn vymušanaj emihracyi» (pieśniu «Možno ja s toboj» biełaruskaha śpievaka AP$ENT) zrabili viadučaja STB Kaciaryna Zabiańko i žonka prapahandysta Ihara Tura. Krychu dziŭna hladzieć na toje, jak Tur źjazdžaje ŭ kamandziroŭku z Łukašenkam pad pieśniu, pryśviečanuju ŭciokam ź Biełarusi.
«Erkiuli Puaro ź Pieršamajskaha RUUS»: anhłamoŭny stendapier ź Biełarusi trolić milicyju, dapamahajučy šukać samoha siabie
Biełaruski komik raskazaŭ pra stendap pierad adździełam kryminalnaha vyšuku i toje, jak vyhladaje «prezidenckaja» hrymiorka
Słava Kamisaranka raspavioŭ, jak u Turcyi jamu zabaranili žartavać pra vusataha prezidenta
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki2
Kamientary
U
Tura i jaho žonki ŭsio jašče napieradzie)
Jak toj kazaŭ: "čamadan, vakzał... a
možna ja s taboj"