Śledčyja kančatkova zaviaršyli rasśledavańnie zabojstva rasijskaha śpievaka Ihara Talkova

Śledčyja zaviaršyli rasśledavańnie zabojstva rasijskaha śpievaka Ihara Talkova, pra heta zajavili va ŭpraŭleńni Śledčaha kamiteta pa Sankt-Pieciarburhu, piša Mieduza.

Ihara Talkova zastrelili 6 kastryčnika 1991 hoda padčas svarki z-za paradku vystupleńniaŭ na muzyčnym fiestyvali ŭ leninhradskim pałacy sportu «Jubilejny». Pierad im pavinna była vystupać śpiavačka Aziza, ale ciełaachoŭnik Azizy Ihar Małachaŭ nastajaŭ na tym, kab Aziza vystupała paśla Talkova.

Raniej viersija była nastupnaja: daviedaŭšysia ab źmienie čarhovaści vystupaŭ, Talkoŭ adpraviŭ svajho dyrektara Valeryja Šlafmana vyśviatlać, što adbyłosia. Paśla hetaha Talkoŭ paprasiŭ paklikać Małachava ŭ svaju hrymiorku i pahavaryŭ ź im na pavyšanych tanach. Achoŭniki śpievaka vyvieli Małachava ŭ kalidor.

Apynuŭšysia ŭ kalidory, Małachaŭ dastaŭ zbroju. Šlafman viarnuŭsia ŭ hrymiorku i skazaŭ pra heta Talkovu, jaki taksama vyjšaŭ u kalidor i dva razy streliŭ u napramku Małachava z hazavaha pistaleta. Toj adkazaŭ dvuma strełami z revalviera, ale ni ŭ kaho nie patrapiŭ. Śpiavak pačaŭ bić apanienta stvałom pistaleta pa hałavie. U niejki momant z revalviera Małachava byŭ zrobleny jašče adzin streł. Kula patrapiła ŭ Talkova, zakranuŭšy serca i lohkaje; jon pamior praź niekalki chvilin.

Rasśledavańnie spravy adnavili ŭ 2018 hodzie. Ciapier śledstva ŭstanaviła, što śpievaka śmiarotna paraniŭ mienavita Šlafman, jaki stralaŭ z revalviera ŭ Małachava. Šlafman abvinavačvajecca ŭ zabojstvie i zamachu na zabojstva, učynienych ahulnaniebiaśpiečnym sposabam. Śledčyja taksama zajavili, što dapytali bolš za 150 śviedak, taksama jany kanfiskavali frahmienty kašuli Šlafmana sa śladami kryvi.

Šlafman u lutym 1992 hoda źjechaŭ u Izrail i nieŭzabavie źmianiŭ proźvišča (zaraz jaho kličuć Valeryj Vysocki). Rasijskaja prakuratura niekalki razoŭ sprabavała dabicca śledčych dziejańniaŭ u dačynieńni da byłoha dyrektara Talkova ŭ Izraili, ale tak i nie zmahła. Sam mužčyna kazaŭ, što vinavatym u zabojstvie siabie nie ličyć.

Adna z samych viadomych pieśniaŭ Talkova «Ja viarnusia»

Ja miečtaju viernuťsia s vojny na kotoroj rodiłsia i ros
Na ruinach niŝiej strany pod doždiami iz śloz
No nie priedan ziemle tiran objavivšij vojnu stranie
I nie vidno konca i kraja etoj vojnie

Ja proročiť nie bieruś, no točno znaju, čto viernuś
Pusť dažie čieriez sto viekov v stranu nie durakov, a hienijev
I, povieržiennyj v boju, ja voskriesnu i spoju
Na piervom dnie roždienija strany, viernuvšiejsia s vojny

• 0
• 20
• 0
• 8
• 9
• 23
• 8