«Z hłybokim škadavańniem raźvitvajusia z našym sałdatam Matevušam, jaki, niahledziačy na namahańni lekaraŭ, zahinuŭ paśla bandyckaha napadu pry abaronie polskaj miažy. Jaho achviarnaść i addanaść Radzimie źjaŭlajucca prykładam najvyšejšaj mužnaści» — napisaŭ u sacsietcy X ministr nacyjanalnaj abarony Polščy Uładzisłaŭ Kasiniak-Kamyš.
Žaŭniera paranili nažom mihranty, jakija sprabavali trapić u Polšču. Zdareńnie mieła miesca 28 traŭnia ŭ hminie Dubičy Carkoŭnyja.
Paciarpiełaha spačatku zavieźli ŭ Hajnaŭski špital, a paźniej transpartavali ŭ Varšavu. Spačatku paviedamlałasia, što jahony stan ciažki, ale stabilny, ale siońnia źjaviłasia infarmacyja, što sałdat znachodzicca ŭ komie i abmiarkoŭvajecca pytańnie adklučeńnia jaho ad aparataŭ žyćciezabieśpiačeńnia.
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary