Biełaruskaja čyhunka puścić dadatkovyja ciahniki z Maskvy i Minska ŭ Viciebsk na «Słavianski bazar»
Abiacajuć zachaplalnaje padarožža.
Padčas «Słavianskaha bazaru» Biełaruskaja čyhunka puścić dadatkovyja ciahniki ŭ Viciebsk z Maskvy i Minska.
Ciahniki na maskoŭskim napramku buduć kursiravać z 8 pa 16 lipienia. U hetyja dni jany buduć adpraŭlacca ź Viciebska ŭ 07:15 i prybyvać u Maskvu ŭ 16:59, u zvarotnym kirunku z Maskvy ciahnik z haściami i ŭdzielnikami fiestyvalu adpravicca ŭ 23:55 i prybudzie ŭ Viciebsk ranicaj nastupnaha dnia ŭ 08:36.
Ź Minska z 9 pa 15 lipienia 2024 hoda ciahnik budzie adpraŭlacca ŭ 12:30 z prybyćciom u Viciebsk u 16:01, a nazad ź Viciebska jon budzie adpraŭlacca na nastupnyja sutki ŭ 01:28 i prybyvać u Minsk u 5:40. Raskład padstrojeny pad prahramu fiestyvalu.
Interjer vahonaŭ dadatkovych ciahnikoŭ budzie aformleny z vykarystańniem simvoliki «Słavianskaha bazaru», pasažyram buduć raskazvać historyju i prahramu fiestyvalu, paviedamlaje BČ.
Prodaž kvitkoŭ užo adkryty na sajcie pieravozčyka. BČ abiacaje pasažyram zajmalnaje padarožža.
Sioleta chedłajnierami fiestyvalu stanuć Aleh Hazmanaŭ, Ani Łorak i Luboŭ Uśpienskaja.
Kaho z palitviaźniaŭ mohuć vypuścić paśla anonsu Łukašenki?3
Kaho z palitviaźniaŭ mohuć vypuścić paśla anonsu Łukašenki?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary