Nie razmaŭlać, dystancyjavacca: va Ukrainie vypracavali rekamiendacyi pa kantaktach ź biełarusami i rasijanami na Alimpijadzie 

Nacyjanalny alimpijski kamitet Ukrainy i Ministerstva moładzi i sportu krainy padrychtavali rekamiendacyi dla ŭkrainskich spartsmienaŭ pa kantaktach z rasijanami i biełarusam na Alimpijadzie-2024 u Paryžy.

U pryvatnaści, ukraincam rekamiendujuć :

• ustrymlivacca ad pramych kantaktaŭ z pradstaŭnikami krain-ahresaraŭ, jakija mohuć vyklikać pravakacyjnyja dziejańni ź ich boku jak u Alimpijskaj vioscy, tak i za jaje miežami;
  
  
• ab lubych sprobach pravakacyjnych dziejańniaŭ z boku pradstaŭnikoŭ Rasii i Biełarusi infarmavać kiraŭnictva aficyjnaj delehacyi;
  
  
• nie ŭdzielničać u jakich-niebudź znosinach u sacyjalnych sietkach i abmierkavańniach ź niejtralnymi spartsmienami Rasii i Biełarusi, nie dzialicca i nie reahavać na paviedamleńni hetych spartsmienaŭ, nie publikavać ahulnyja fota– i videamateryjały jak padčas spabornictvaŭ, tak i ŭ pazaspabornicki pieryjad;
  
  
• padčas i pa-za cyrymonijami ŭznaharodžańnia i kvietkavych cyrymonij, pa mahčymaści, trymać dystancyju i dystancyjavacca ad lubych kantaktaŭ ź niejtralnymi spartsmienami z Rasii i Biełarusi, a taksama ŭstrymlivacca ad abmienu fatahrafijami abo videazapisami, kali takoje patrabavańnie nie źviazana z vykanańniem abaviazkovych patrabavańniaŭ, jakija ŭniesieny ŭ praviły spabornictvaŭ;
  
  
• ustrymlivacca ad udziełu ŭ pres-kanfierencyjach, pramych tranślacyjach (jakija nie nieparyŭna źviazany z naležnym praviadzieńniem spabornictvaŭ), intervju i inšych rekłamnych mierapryjemstvach ź niejtralnymi spartsmienami z Rasii i Biełarusi da i paśla spabornictvaŭ;
  
  
• u vypadku vyjaŭleńnia parušeńniaŭ umoŭ dopusku da Alimpijady-2024 spartsmienaŭ z Rasii i Biełarusi, sfarmulavanych Vykankamam MAK i/abo ŭstanoŭlenych adpaviednymi mižnarodnymi spartyŭnymi fiederacyjami, fiksavać fakt parušeńnia niejtralnaha statusu i rekamiendavanych umoŭ udziełu spartsmienaŭ z Rasii i Biełarusi, prainfarmavać kiraŭnictva aficyjnaj delehacyi, adpaviednyja mižnarodnyja spartyŭnyja fiederacyi i Arhkamitet Alimpijady-2024;
  
  
• u vypadku, kali spartsmien nacyjanalnaj zbornaj Ukrainy źjaŭlajecca supracoŭnikam Uzbrojenych Sił Ukrainy, MUS, inšych voinskich farmiravańniaŭ, akramia hetych rekamiendacyj, u rabocie vykonvać praviły i rekamiendacyi adpaviednych orhanaŭ.

Jak paviedamlajecca, rekamiendacyi vypracavany z metaj źbierahčy ŭkrainskich atletaŭ ad pravakacyj i harantavać ich biaśpieku na hulniach.

Alimpijada-2024 projdzie ŭ Paryžy z 26 lipienia pa 11 žniŭnia. Biełarusy mohuć udzielničać tolki ŭ niejtralnym statusie ŭ indyvidualnych vidach sportu pry vykanańni kryteryjaŭ MAK. Tak, da hulniaŭ nie dapuściać tych, chto padtrymlivaŭ vajnu Rasii suprać Ukrainy, a taksama atletaŭ, jakija afiliravany ź siłavymi strukturami i armijaj.

• 1
• 0
• 1
• 1
• 0
• 2
• 1
• 0