Łukašenka pra ŭdzieł biełaruskich spartoŭcaŭ u Alimpijadzie: Nabicie im mordu
U Łukašenki padčas naviedvańnia Kaściukovickaha rajona spytali pra vystup biełaruskich alimpijcaŭ u niejtralnym statusie na Hulniach u Paryžy.
«Heta sprava spartoŭca. Ale kali ŭžo ty adabraŭsia i jedzieš tudy ŭ niejtralnym statucie, nabi im mordu», — adkazaŭ Łukašenka.
«Chaciełasia b, viadoma — himn, ściah. Ale heta ich žyćcio. I jano karotkaje. Ja nie nastojvaju ni na adnym z varyjantaŭ. Kali jany pajeduć — tolki źlejšyja buduć», — dadaŭ jon.
Nahadajem, što Mižnarodny alimpijski kamitet dazvoliŭ biełaruskim i rasijskim spartoŭcam udzielničać u Letnich Alimpijskich hulniach u Paryžy, što projduć z 26 lipienia pa 11 žniŭnia, u niejtralnym statusie biez himna i ściaha i z asudžeńniem rasijskaj ahresii va Ukrainie i adchryščvańniem ad supracoŭnictva ź siłavymi strukturami.
Taksama treba paśpieć zavajavać dopusk na spabornictvy, prajšoŭšy adbor na kvalifikacyjnych startach. Pakul u biełarusaŭ usiaho 19 zavajavanych licenzij. 8-9 maja ŭ vienhierskim Siehiedzie projdzie adbor vieślaroŭ — dyscyplinie, u jakoj biełarusy zaŭsiody zavajoŭvali miedali.
U minułaj Letniaj Alimpijadzie ŭ Tokia ŭ 2021 hodzie, udzielničali 108 biełaruskich spartoŭcaŭ, i heta była samaja nizkaja kolkaść. Z Tokia biełarusy pryvieźli siem miedaloŭ (adzin załaty, pa try srebranyja i try bronzavyja).
Skakun Maksim Niedasiekaŭ pra Alimpijadu: Jak biełarusy pajeduć u Paryž? Dzie buduć žyć? I na pratesty nielha zapluščvać vočy
Makron choča abviaścić pieramirje va Ukrainie na čas Alimpijady
Ukraina patrabuje nie dapuskać da Alimpijady-2024 biełarusku. U čym pytańnie?
Francuzski alimpijec śmiešna zvaliŭsia z tramplina na vačach u Makrona — VIDEA
U Hrecyi adbyłasia ŭračystaja cyrymonija zapalvańnia alimpijskaha ahniu FOTAFAKT
«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami7
Kamientary