«Jandeks Muzyka» zabłakavała staronku šalona papularnaha biełaruskaha vykanaŭcy Ap$ent
U Rasii Arsienij Kiślak (Ap$ent) nie pryznany Miniustam zamiežnym ahientam i nie ŭklučany ŭ pieralik «ekstremistaŭ i terarystaŭ», jaki viadzie Raśfinmanitorynh.
Muzyčny servis «Jandeks Muzyka» abmiežavaŭ dostup da staronki biełaruskaha artysta Ap$ent (sapraŭdnaje imia — Arsienij Kiślak), pišuć «Viedomosti». Pry pierachodzie na jaje źjaŭlajecca apaviaščeńnie ab tym, što staronka «niedastupnaja na patrabavańnie Raskamnahladu».
«Jandeks Muzyka» 27 sakavika atrymała ad Raskamnahladu (RKN) aficyjnaje patrabavańnie ab abmiežavańni dostupu da staronki artysta Ap$ent, kaža jaje pradstaŭnik: «My źviarnulisia ŭ RKN i Hienprakuraturu pa tłumačeńni pryčyn».
U inšych muzyčnych stryminhach — «VK Muzyka», «MTS Muzyka» i «Zvuk» profil artysta Ap$ent pakul dastupny.
Staronka Ap$ent u najbližejšy čas budzie zabłakavanaja i ŭ «MTS Muzycy», raspavioŭ surazmoŭca ŭ hetym servisie.
U «VK Muzycy» ad kamientaroŭ admovilisia.
Samy papularny trek vykanaŭcy Ap$ent «Možna ja z taboj», jon uvachodzić u top-čarty ŭsich rasijskich muzyčnych servisaŭ: na 27 sakavika jon zajmaje 2-je miesca ŭ čartach «Jandeks Muzyki» i «MTS Muzyki», 4-ju pazicyju — u «VK Muzycy», a taksama 14-je miesca ŭ čarcie «Zvuku».
Na YouTube videa z hetaj pieśniaj maje bolš za 7 młn prahladaŭ, jano zajmaje 6-je miesca ŭ rejtynhu «100 najlepšych klipaŭ» u Rasii na hetym videachostynhu.
Arsienij Kiślak (Ap$ent) doŭhi čas žyŭ u Biełarusi. Pieśnia «Možna ja z taboj», ź jahonych słoŭ, była napisanaja ŭ 2022 h. Tady žonka śpievaka Maryja była prysudžanaja da hoda abmiežavańnia voli praz abrazy Łukašenki ŭ kamientarach telehrama. Da vykanańnia prysudu Arsienij i Maryja Kiślak emihravali ŭ Hruziju.
Pieśnia pra vymušanuju mihracyju stała himnam kocikaŭ: zavirusiŭsia trek biełaruskaha śpievaka AP$ENT
Što słuchać pa-biełarusku? Top papularnych piesień u Spotify na rodnaj movie PŁEJLIST
«Diadia Saša, biez obid, no vam nikto nie rad». Pahutaryli ź biełaruskim śpievakom AP$ENT, čyje pieśni źbirajuć miljony prasłuchoŭvańniaŭ
Kaho z palitviaźniaŭ mohuć vypuścić paśla anonsu Łukašenki?8
Kaho z palitviaźniaŭ mohuć vypuścić paśla anonsu Łukašenki?
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki2
Kamientary