U Indyi vyjavili žančynu z najbolšaj kolkaściu zuboŭ u śviecie
26-hadovaja Kałpana Bałan maje 38 zuboŭ: čatyry dadatkovyja zuby na nižniaj skivicy i dva dadatkovyja — na vierchniaj.
![](http://d3kcf2pe5t7rrb.cloudfront.net/img/w732d4webp1/photos/z_2023_11/zuby231121-61vmq.jpg.webp)
Heta źjava nazyvajecca hipierdantyjaj i sustrakajecca ŭsiaho ŭ 4% nasielnictva Ziamli, chacia zvyčajna havorka idzie pra adzin ci dva dadatkovyja zuby.
Kałpana raspaviała, što dadatkovyja zuby ŭ jaje pačali raści ŭ padletkavym uzroście. Kali pra heta jana raspaviała baćkam, jany byli ŭ šoku i zahadali ich vydalić. Adnak stamatołah, da jakoha źviarnułasia siamja, paraiŭ dačakacca, pakul zuby vyrastuć całkam, kab ich było praściej pazbavicca. Paźniej žančyna vyrašyła pakinuć zuby, pakolki jany zdarovyja i nie pryčyniajuć joj dyskamfortu.
Kałpana trapiła ŭ knihu rekordaŭ Hinesa, jak uładalnica najbolšaj kolkaści zuboŭ u śviecie siarod žančyn. Cikava, što ŭ budučyni jana, imavierna, pierasiahnie ŭłasny rekord, bo ŭ jaje jość jašče dva zuby, jakija nie prarezalisia.
Rekord siarod mužčyn naležyć kanadcu Evanu Miełone. Ën maje 41 zub.
Kamientary