Vyraśli ceny na pasłuhi, hateli i restarany.
![](http://d3kcf2pe5t7rrb.cloudfront.net/img/w732d4webp1/photos/z_2023_06/beyonce_ap230615-prac0.jpg.webp)
Amierykanskaja śpiavačka Biejonse spravakavała rost inflacyi ŭ Šviecyi, pačaŭšy sa Stakholma svajo suśvietnaje turne.
Pavodle źviestak statystyčnaha ŭpraŭleńnia Šviecyi, z krasavika da maja ŭzrovień inflacyi ŭ krainie skłaŭ 0,3 adsotkavaha punkta.
Hałoŭny ekanamist Danske Bank Majkł Hran zapeŭniŭ žurnalistaŭ, što pavyšeńnie cen było častkova źviazanaje z uzrosłym popytam na «šyroki nabor tavaraŭ i pasłuh, naprykład naviedvańnie hatelaŭ i restaranaŭ» i na «rekreacyjnyja pasłuhi», uklučajučy kvitki na kancerty, jak piša Politico.
«Pačatak suśvietnaha turne Biejonse ŭ Šviecyi, padobna, paŭpłyvaŭ na majskuju inflacyju. Nakolki — nieviadoma, ale, imavierna, heta 0,2 pracentnaha punkta z 0,3, jakija dadali hateli i restarany. My čakajem, što ŭ červieni hety niečakany rost adkacicca nazad, pakolki ceny na hateli i kvitki viernucca da normy», — skazaŭ Hran.
Siońnia amierykanskaja śpiavačka vystupić u Kiolnie, a 27 i 28 červienia jana daść dva hrandyjoznyja kancerty na Nacyjanalnym stadyjonie ŭ Varšavie. U raskładzie paznačyli, što źmiaščalnaść stadyjona — 72 tysiačy čałaviek.
Kamientary